Быхаўскі раён стаў адным з буйных сельскагаспадарчых раёнаў Магілёўшчыны і Беларусі. Ён размешчаны ў паўднёвай частцы Магілёўскай вобласці. Сельскагаспадарчыя ўгоддзі раёна складаюць 100,5 тыс.га, у т.л. 54,5 тыс.га пашні. Асноўны напрамак – вытворчасць мяса-малочнай прадукцыі, стабільны рост якой наглядаецца ў апошнія гады. У галіне раслінаводства вядучае месца займаюць зернавыя культуры. У раёне 21 гаспадарка, у т.л. 18 сельскагаспадарчых вытворчых кааператываў, 1 калгас, унітарнае камунальнае сельскагаспадарчае прадпрыемства “Вараніно”, унітарнае камунальнае сельскагаспадарчае прадпрыемства “Макранскі”, 7 фермерскіх гаспадарак.

Ёсць шэраг устаноў, якія абслугоўваюць сельскую гаспадарку. Гэта інспекцыя па насенняводству, каранціну і абароне раслін, райплемстанцыя, ветлячэбніца, ААА “Быхаўрайаграпрамтэхснаб”, ПМК-85 ААА “Магілеўводбуд”.

На тэрыторыі раёна размешчана 6 прамысловых прадпрыемстваў, 92% прадукцыі якіх складаюць тавары народнага спажывання.

Будаўнічы комплекс раёна складаецца з 3-х арганізацый, якія будуюць і рамантуюць жыллё і аб’екты сацыяльна – культурнага прызначэння.

Для паслуг насельніцтва 170 магазінаў, 43 прадпрыемства грамадскага харчавання, цэнтральная раённая бальніца, 44 сельскіх медыцынскіх устаноў (бальніц, амбулаторый, ФАПаў). У сістэму адукацыі ўваходзяць 6 дзіцячых садоў, 19 школ-садкоў, 18 сярэдніх, 8 базавых школ, 1 пачатковая школа, Дом дзіцячай творчассці, цэнтр турызму, краязнаўства і экскурсій, сацыяльна-педагагічны цэнтр, цэнтр каардынацыйна-развіваючага навучання і рэабілітацыі, дзіцячы дом сямейнага тыпу.

У сетцы культасветустаноў 32 гарадскіх і сельскіх Дамоў культуры і клубаў, 33 бібліятэкі, гісторыка-краязнаўчы музей, дзіцячая школа мастацтваў.