Календарь знаменательных дат
Каждый 2-й вторник месяца в Публичном центре правовой информации центральной районной библиотеки им. Б.В.Стрельцова оказываются бесплатные консультации нотариуса.

Аграэкатурызм

Сфера сельскага турызму, якая падтрымліваецца дзяржавай, мясцовай уладай актыўна развіваецца  на Быхаўшчыне.

Жадаючых адпачыць гасцінна сустрэнуць утульныя  сельскія гасцініцы-сядзібы: “Гасцінны двор” у в. Залахвенне, “Пясчаны бераг” у в. Грудзічына, “Рыбацкі двор” у в. Чачэвічы, “Пратачанка” у в. Праточнае. 

Сядзіба “Гасцінны двор”  размешчана ў маляўнічай мясцовасці на беразе р. Днепр у 500 метрах ад лесу, што дазволіць аграэкатурыстам азнаёміцца ​​з прыродным патэнцыялам раёна. Маецца магчымасць воднага адпачынку (прадастаўленне лодак), арганізацыі турысцкіх паходаў, фотапалявання на прадстаўнікоў жывёльнага і расліннага свету, якія знаходзяцца ў натуральных умовах, азнаямлення з гістарычнай спадчынай раёна (Баркалабаўскі манастыр).

Наведвальнікі сядзібы могуць паспытаць беларускую кухню, наведаць карчму, лазню. Для аматараў актыўнага адпачынку арганізуюцца паляванне і рыбалка, більярд, спартыўныя гульні.
Адначасова сядзіба «Гасціны двор» максімальна можа прыняць да 20 адпачывальнікаў. Арыентыровачны кошт - 50 тыс. руб. за 1 койка месца.

У 2009 г. на базе сядзібы быў праведзены абласны фестываль сельскага турызму “Залахвенскі фэст”. Гэта сядзіба стала лепшай у намінацыі “Здаровы лад жыцця”.

Сядзіба “Гасцінны двор” прадстаўлена ў буклеце “Аграэкатурызм” Магілёўскай вобласці.

У 2008 г. сядзіба “Пясчаны бераг” ў намінацыі  “Здаровы лад жыцця”прызнана лепшай у рэспубліцы. 

У 2008 г. на канферэнцыі ААТ “Белаграпрабанк” пад назвай “Аб тэндэнцыях развіцця аграэкатурызму ў Рэспубліке Беларусь” адбылося ўшанаванне пераможцаў, дзе гаспадару сядзібы “Пясчаны бераг” уручылі хрустальную статуэтку пеўніка і дыплом лаўрэата.

Сядзіба “Вялікая пуня” в. Чачэвічы  - размешчана на беразе Чыгірынскага вадасховішча ў 55 км од Магілёва побач з аўтамабільнай трасай Магілёў – Бабруйск. У будынку для пасялення гасцей прапаноўваюцца 3 пакоі (8 чалавек). На двары абсталявана зона адпачынку са стрэшкай і мангалам. Ёсць магчымасць захапляльных лясных і вадзяных прагулак, рыбалкі і фотапаляванне.

Сядзіба “У Ягорыча” в. Чачэвічы – размешчана ў 30 метрах ад Чыгірынскага вадасховішча. З аднаго боку яна акружана вадзяным ландшафтам, з другога – лесам, багатым на грыбы, ягады, дзічыну.

Магчыма арганізацыя карпаратыўнага, сямейнага і дзіцячага адпачынку, вадзяных і лясных экскурсій, рыбалка. Маецца альтанка, лазня. Дом памяшчае да 12 чалавек.

Сядзіба “Каля возера” в. Грудзічына – размешчана ў 10 метрах ад Чыгірынскага вадасховішча. Двухпавярховы дом памяшчае да 20 турыстаў. Маецца лазня, камінная зала, вялікая паркоўка для аўтамабіляў.

Магчыма арганізацыя карпаратыўнага, сямейнага і дзіцячага адпачынку, правядзенне урачыстасцей, свят, вадзяных і лясных экскурсій, рыбалка.

Сядзіба “Вепранка” в. Грудзічына – размешчана на беразе Чыгірынскага вадасховішча. Акружана лесам, багатым на грыбы, ягады, дзічыну і мноствам крыніц, вадзяным ландшафтам і маляўнічым вусцем ракі Вепранкі. Дом памяшчае да 12 чалавек. Ёсць вялікая лазня з басейнам, прычал, паркоўка для аўтамабіляў. Магчыма арганізацыя карпаратыўнага, сямейнага і дзіцячага адпачынку.

Сядзіба “Паляўнічы прытулак” в. Праточнае – размешчана ў 30 метрах од Чыгірынскага вадасховішча. Дом для пражывання 12 чалавек. Для адпачынку турыстаў маецца лазня, більярд, альтанка на маляўнічым беразе. У двары сядзібы растуць 100-гадовыя сосны. Арганізацыя сямейнага адпачынку і адпачынку з дзецьмі. Ёсць магчымасць цікавых лясных і вадзяных прагулак, рыбалкі і фотапалявання.

Сядзіба “Друць” в. Чачэвічы – размешчана на беразе Чыгірынскага вадасховішча. Дом памяшчае да 12 чалавек. У двары зроблена зона адпачынку са стрэшкай і мангал. Лес багаты на грыбныя і ягадныя мясціны, дзічынай. Ёсць магчымасць займальных лясных і вадзяных прагулак, рыбалкі і фотапаляванне. Арганізацыя карпаратыўнага, сямейнага і дзіцячага адпачынку.

Сядзіба “На паляне” в. Грудзічына – знаходзіцца ў 100 метрах ад Чыгірынскага вадасховішча на паляне, акружанай лесам, у 2 км. ад  в. Чачэвічы. Маюцца альтанкі, прыстасаваны пляж, лазня. Дом памяшчае да 12 чалавек. Сядзіба спецыялізуецца на сямейным адпачынку і адпачынку з дзецьмі.

Сядзіба “Спачынак сябрыны” в. Праточнае  - акружаны лесам аднапавярховы дом, размешчаны на беразе Чыгірынскага вадасховішча. Для пасялення 8 турыстаў маюцца 2 пакоі, ёсць лазня.

Непадалёку знаходзіцца каскад крыніц з капліцай (месца, паважанае праваслаўнымі веруючымі) і помнік прыроды: 400-гадовы дуб-гігант (вышыня 28 м., ахоп 5,2 м.). сядзіба спецыялізуецца на сямейным адпачынку і адпачынку з дзецьмі.

Сядзіба “Вясковы адпачынак” в. Чачэвічы размешчана на беразе Чыгірынскага вадасховішча. У двары абсталявана зона адпачынку са стрэшкамі і мангалам. Лес багаты на грыбы і ягады, дзікавіну. Ёсць магчымасць захапляльных лясных і вадзяных прагулак, рыбалкі і фотапаляванне. Дом памяшчае да 12 чалавек. Сядзіба спецыялізуецца на сямейным адпачынку і адпачынку з дзецьмі.

Сязіба “Патачанка” в. Праточнае размешчана у адным з найпрыгажэйшых мясцін -  у сасновым лясу на беразе Чыгірынскага вадасховішча. Непадалёку ад сядзібы знаходзіцца каскад крыніц з капліцай (месца, паважанае праваслаўнымі веруючымі). Непадалёку ад сядзібы растуць унікальныя дрэвы: дуб с дыяметрам ствала больш за 2 метры і 4 сасны с дыяметрам ствала больш метра. Сядзіба спецыялізуецца на сямейным адпачынку і адпачынку з дзецьмі.

Сядзіба “Пясчаны бераг” в. Грудзічына – гэта добраўпарадкаваны, рублены ўручную з векавых сосен дом на 25 чалавек размешчаны на беразе Чыгірынскага вадасховішча. Акружаны з аднаго боку вадзяным ландшафтам з вялікімі і маленькімі выпсамі і маляўнічым вусцем ракі Вепранка – з другога боку. База адпачынку арганізуе правядзенне святаў, семінараў, канферэнцый; зімовую і летнюю рыбную лоўлю, вадзяныя экскурсіі, паходы пад ветразем, купанне і адпачынак на добраўпарадкаваным пляжы, прагулкі на конях па лясных берагах.

Сядзіба “Дар´іна сядзіба” в. Кароўчына размешчана ў маляўнічым месцы ў 50 метрах ад Чыгірынскага вадасховішча і акружана з аднаго боку вадзяным ландшафтам, з другога боку – лесам, багатым на грыбы, ягады і дзічыну. Магчыма арганізацыя карпаратыўнага, сямейнага і дзіцячага адпачынку, вадзяных і лясных экскурсій.

Сядзіба”Затока” в. Новы Быхаў размешчана ў 100 метрах ад лесу на беразе старага русла, якое злучана з ракой Дняпро. Працягласць затокі прыкладна 3,5 – 4,0 км. Стаячая вада, якая добра праграваецца летам – дзе можна смела і бяспечна купацца дзецям і дарослым.

Сядзіба размешчана прыкладна пасярэдзіне затокі і да берагавой лініі вады 30 – 60 метраў. Ёсць магчымасць вадзянога адпачынку (прадастаўленне лодак, катамаранаў), арганізацыя турыстычных паходаў, фотапаляванне на прадстаўнікоў жывёльнага і расліннага свету, знаёмства з гістарычнай спадчынай раёна.

Старае русла з´яўляецца зімавальнай ямай, у якой шмат відаў рыбы. Для аматараў зімовай рыбалкі – гэта найлепшае месца для адпачынку.

У асобным доміку маецца: спальныя памяшканні, тэлевізар, санвузел з усімі зручнасцямі, кухня.

А хто змерз – вялікая ўтульная руская баня па-беламу, зроблена са ўсемі зручнасцямі, непасрэдна побач з домам.

На дворы абсталявана альтанка для прыгатавання шашлыку і іншых блюд на свежым паветры. Для аўтааматараў ёсць агароджаная стаянка.

Добрая асфальтаваная дарога на Рагачоў, надзел 30 м. падсыпаны і ўмацаваны.

Сядзіба “У Надзеі на палявой” знаходзіцца на ўскраіне г. Быхава ў 6 км. ад аўтамабільнай дарогі Санкт-Пецярбург – Адэса, у 3 км. ад ракі Дняпро і ляснога масіва.

Двухпавярховы катэдж з 5 камфартабельнымі пакоямі з усімі выгодамі змяшчае да 12 чалавек. Маецца лазня з пакоем адпачынку і камінам, альтанка з мангалам, дзіцячая пляцоўка, стаянка для 6 аўтамашын, тэнісны стол.

Сядзіба “Галеон” размешчана ў маляўнічым месцы ў 30 метрах ад Чыгірынскага вадасховішча і акружана водным ландшафтам і лесам, шчодрым на грыбы, ягады, дзічыну.

Магчыма арганізацыя карпаратыўнага, сямейнага і дзіцячага адпачынку, водных і лясных экскурсій, рыбалка.

Дом змяшчае да 12 чалавек, ёсць альтанка на 40 месцаў, лазня, мангал, стаянка.

Сядзіба “Ёлки палки” размешчана ў маляўнічай мясцовасці, у 150 метрах ад леса, дубовага гаю і луга, што дазваляе турыстам азнаёміцца з прыродай раёна.

Маецца магчымасць арганізацыі турыстычных паходаў, фотапалявання на прадстаўнікоў жывёльнага і расліннага свету, арганізацыя спартыўнай праграмы адпачынку, для аматараў ціхага палявання ёсць магчымасць арганізаваць лясныя прагулкі, па грыбным і ягадным месцам.

Сядзіба “Благодаць” размешчана ў маляўнічым месцы ў некалькі метрах ад Чыгірвнскага вадасховішча, у 55 км. ад абласного цэнтра, побач з аўтамабільнай дарогай Магілёў – Бабруйск.

У доме для размяшчэння гасцей маецца 3 комнаты. У двары знаходзіцца зона адпачынку з мангалам, лазня, стаянка для аўтамашын. Ёсць магчымасць лясных і водных прагулак, рыбалкі і фотапалявання.

Літаратура:

1. Белая, С. Перспективная усадьба / С. Белая // Маяк Прыдняпроўя – 2008. – 13 жніўня. – С. 4

2. Гришанова, Л. Хрустальный петушок улетел на Быховщину / Л. Гришанова // Могилёвские ведомости – 2009. – 5 марта. – С. 3

3. Кондратенко, М. В единстве с природой/ М. Кондратенко// Маяк прыдняпроўя.- 2009.- 31 снежня.- С. 5.

4. Даёшь туристическую деревню!// Белорусская нива.- 2009.- 24 октября.- С. 1, 4.

5. Якубовский, В. «Зелёных» встретит «Залохвенский фэст»!/ В. Якубовский// Могилёвские ведомости.- 2009.- 3 октября.- С. 2.

6. Старовойтова, Э. «У Лукоморья дуб зелёный…»/ Э Старовойтова// Зямля і людзі.- 2009.- 14 кастрычніка.- С. 5.

7. Агроэкоусадьбы Быховщины // Маяк Прыдняпроўя.- 2011.- 3 верасня.- С. 8

ru be en