Мой край - Быхаўшчына

Дамы і палацы культуры. Клубы

Пасля вайны ў горадзе Быхаве ўцалеў будынак клуба ацатонавага завода, у якім быў размешчаны раённы Дом соцкультуры і кінатэатр.

У Доме соцкультуры штодзенна праводзіліся культурна – масавыя мерапрыемствы: кіно, канцэрты, спектаклі, танцы.

За 1945 – 1946 гады пастаўлена 35 канцэртаў: з іх 15 бясплатных, 20 платных. Арганізаваны і сістэматычна працуюць гурткі мастацкай самадзейнасці ( харавы, драматычны, танцавальны, струнны аркестр з 10 чалавек). Гурткі мастацкай самадзейнасці не забяспечаны ў дастатковай колькасці культінвентаром і матэрыялам. (Звесткі Магілёўскага Дзяржаўнага архіва.)

1971 г. пабудаваны раённы Дом культуры.

З 1976 г. па 1981 г. сетка клубаў вырасла з 43 да 47 ( СДК – 8, СК – 39).

У лістападзе 1978 г. бюро Быхаўскага райкома КПБ і выканком раённага Савета народных дэпутатаў прынялі пастанову “Аб стварэнні ў раёне цэнталізаваных клубных сістэм і сельскіх культурных комплексаў”.

Адкрыцце сацыяльна – культурных комплексаў, культурных цэнтраў і цэнтралізаваных клубных сістэм:

Грудзінаўская цэнтралізаваная клубная сістэма – 1978 г.,
Абідавіцкі культурны цэнтр – 1978 г.,
Баркалабаўскі сацыяльна-культурны комплекс – 1979 г.,
Следзюкоўскі культурны цэнтр – 1979 г.,
Лудчыцкая цэнтралізаваная клубная сістэма – 1979 г.,
Тайманаўская цэнтралізаваная клубная сістэма – 1979 г.,
Ніканавіцкі сацыяльна – культурны комплекс – 1980 г.,
Чорнаборскі сацыяльна – культурны комплекс – 1980 г.,
Гарадзецкі сацыяльна – культурны комплекс – 1980 г.,
Чырвонабеларускі сацыяльна – культурны комплекс – 1980 г.,
Глухскі сацыяльна – культурны комплекс – 1981 г.,
Холстаўскі сацыяльна – культурны комплекс – 1981 г.,
Станцыённатошчыцкі сацыяльна – культурны комплекс – 1981 г.,
Смаліцкі сацыяльна – культурны комплекс – 1982 г.,
Дунайкоўскі сацыяльна – культурны комплекс – 1982 г.

1979 год.

Пашырына вытворчая плошча Чорнаборскага СДК.

1980 год.

За 10-ю пяцігодку (1975 – 1980 гг.) у раёне адкрыта 7 сельскіх клубаў: Сушчоўскі, Балонаўскі, Хаміцкі, Усходні, Ісканскі, Балонавасялецкі, Чырвонабеларускі. Пабудаваны гасспосабам клубы ў в. Балонавасялец і Станцыя Тошчыца. За кошт капітальных укладанняў пабудаваны Дом культуры ў в. Гарадзец.

У культустановах раёна 28 аматарскіх аб’яднанняў: 18 – у сельскай мясцовасці, 10 – у раённым Доме культуры.

1981 год.

Насельніцтва раёна абслугоўвалі 8 сельскіх Дамоў культуры ( СДК), 39 сельскіх клубаў (СК), раённы Дом культуры (РДК).

На базе брыгаднага клуба пасля капрэмонта адкрыты сельскі клуб у в. Бынава Грудзінаўскага сельскага Савета на 80 месцаў.

1983 год.

Адкрыты новы клуб у в. Сядзіч.

1984 год.

У чэрвені 1984 г. работнікам Быхаўскага РДК за актыўную культурна – шэфскую работу ўручаны пераходны кубак Міністэрства ўнутраных спраў БССР. Дырэктару РДК Зарэцкаму А.Н. прысвоена ганаровае званне “Выдатнік савецкай міліцыі” і ўручаны хрустальны кубак .

1985 год.

У раёне 51 клубная установа сістэмы Міністэрства культуры: РДК – 1, СДК – 8, СК – 41, самастойны аўтаклуб – 1 (заг. аўтаклубам Галынская І.Я.)

Пры РДК створаны калектыў “Савецкая песня” (кіраўнік Івашкова І.І.). На абласным конкурсе палітычнай песні калектыў быў удастоены Дыплома 1 ступені.

1986 год.

Калегія Упраўлення культуры Магілеўскага аблвыканкома і прэзідыума абкома прафсаюзаў работнікаў культуры ад 29.01.1986 г. №2 пастанавіла прызнаць пераможцам сацыялістычнага спаборніцтва за лепшую пастаноўку работы культасветустаноў у 1985 годзе Быхаўскі раён і прысудзіць 3 месца.

У раёне 51 клубная ўстанова: СДК – 12, СК – 38, РДК -1, аутаклуб – 1.

Рашэннем аблвыканкома ад 24 верасня 1986 года №11 – 11 сельскія клубы весак Палянінавічы, Глухі, Смаліцы, Чырвоны Бераг рэарганізаваць у сельскія Дамы культуры.

Ансамблем “Савецкая песня” дана больш за 50 канцэртаў.

1987 год.

У раёне 50 клубных устаноў: 16 сельскіх Дамоў культуры, 34 сельскіх клуба, 1 раённы Дом культуры. У іх працуе 292 гуртка мастацкай самадзейнасці з лікам удзельнікаў 3896 чалавек. 82 з іх – аматарскія аб’яднанні і клубы па інтарэсах з лікам удзельнікаў – 1345 чалавек, 9 музычна - мастацкіх салонаў. Ва ўстановах культуры раёна 8 платных гурткоў і аматарскіх аб’яднанняў.

Абслугоўванне насельніцтва горада і раёна, аказанне паслуг у правядзенні сямейна – бытавых свят і рытуалаў узяў на сябе кааператыў “Ліра”, створаны ў кастрычніку 1987 года пры раённым Доме культуры.

1988 год.

Уведзены ў эксплуатацыю новы Дом культуры ў в. Грудзінаўка.

Ансамбль “Савецкая песня” РДК стаў дыпламантам 2-га Усесаюзнага фестывалю народнай творчасці.

Калектыў аматарскага аб’яднання “Искатель” пры Абідавіцкім СДК стаў дыпламантам абласнога агляда – конкурса клубаў па інтарэсах у г.Магілеве. (клуб створаны ў 1966 г., накіроўваў моладзь на пашуковую работу. У выніку дзейнасці клуба было перазахаронена 13 воінаў, сталі вядомымі іх імёны).

Падцвердзілі званне “Клуб выдатный работы” Следзюкоўскі СДК, Абідавіцкі СДК, Палянінавіцкі СДК, Грудзінаўскі СДК, Балонавасялецкі СК, Ямніцкі СК.

1989 год.

У канцы года здадзены ў эксплуатацыю новае памяшканне Следзюкоўскага СДК.

1990 год.

Вакальны гурт ветэранаў вайны і працы “Гаспадыня” створаны ў 1990г.

Першы кіраўнік і арганізатар - Зінурава Валянціна Аляксееўна (1990 – 1998 гг.). З 1998 г. па 2005г. кіраўнік – Матэушава Людзміла Сцяпанаўна. У складзе гурта 15 чалавек. Прымаў удзел у абласных святах “Прыпеўкі” (г. Слаўгарад), “Сямейная творчасць”.

У 1999 годзе зняўся ў тэлевізійнай праграме “Вячоркі”.

У 2000 годзе стаў дыпламантам абласнога фестывалю “Не старэюць душой ветэраны”, прысвечанага 55-годдзю Перамогі Савецкага народа ў Вялікай Айчыннай вайне.

У 2002 годзе калектыў “Гаспадыні” атрымаў заахвочвальны Дыплом другога абласнога фестывалю “Не старэюць душой ветэраны”.

1991 год.

У раёне функцыяніруе 51 клубная ўстанова: 34 СК, 16 СДК, 1 РДК.

Дзейнічае 276 гурткоў мастацкай самадзейнасці: у СДК – 122, у СК – 136. Сталі традыцыйнымі “Беларускія кірмашы”, урачыстыя провады ў рады ўзброеных сіл. Праведзены святы весак Абідавічы, Палянінавічы, Грудзінаўка.

1992 год.

У раёне 55 клубных устаноў, дзяржаўных 48, прафсаюзных – 5, калгасных, ведамственных – 2.

1993 год.

На 1.01.1993 года ў клубнай сістэме 16 СДК, 28 СК, 1 РДК, 1 ДК м-на Колас.

У студзені 1993 года перададзены ў распараджэнне аддзела культуры Вараніноўскі ДК і ДК ПМК-85 ( два прафсаюзных клуба пераведзены ў дзяржаўную сетку.)

Прынята рашэнне раённага Савета народных дэпутатаў ад 26 лютага 1993 года “Аб стварэнні цэнтралізаванай клубнай сістэмы”.

З 1 красавіка 1993 года была праведзена інвентарызацыя і перадача маёмасці клубных устаноў раёна з баланса сельскіх Саветаў на баланс аддзела культуры. Раённы метадычны цэнтр аддзела культуры аб’яднаны з раённым Дома культуры пад агульнай назвай “Раённы цэнтр культуры і народнай творчасці” (РЦК і НТ).

На пасадзе дырэктара РЦК і НТ быў зацверджаны Зарэцкі Аляксандр Навумавіч.

Былі арганізаваны:

Аддзел арганізацыі вольнага часу і методыкі культасветработы – загадчык аддзела Брухавецкая Вера Цярэнцьеўна,
Аддзел народнай творчасці і фальклора – загадчык Крыванос Ірына Яўгенаўна,
Аддзел гаспадарчага забеспячэння – намеснік дырэктара па гаспадарчай частцы - Верхаўцова Рэгіна Кузьмінішна.

У клубных установах у 1993 годзе працавала 324 клубных фарміраванняў, ў т.л. клубаў па інтарэсах і аматарскіх аб’яднанняў – 95, гурткоў мастацкай самадзейнасці – 229.

За час правядзення ў раёне творчых справаздач былі створаны новыя калектывы мастацкай самадзейнасці: у РЦК і НТ - вакальная група ветэранаў працы, маладзежная вакальная група і дзіцячы танцавальны калектыў; у Чырвонабеларускім СДК - танцавальны калектыў; у Cмаліцкім СДК - дзіцячая фальклорная група,; у Тайманаўскім СДК - фальклорны жаночы калектыў.

1996 год.

Усяго ў раёне налічваецца 20 СДК, 27 СК, 3 ДК у г.Быхаве. Усяго ў раёне налічваецца 97 устаноў культуры.

Метадычная служба Быхаўскага РЦК і НТ прыняла ўдзел у абласным аглядзе – конкурсе метадычных служб “Праз вучобу – да майстэрства”.

Па выніках работы за 1996 год сярод сельскіх клубных устаноў раёна прысуджана:

1-е месца- Абідавіцкаму СДК, 2-е месца – Вараніноўскаму СДК, 3-е месца – Чорнаборскаму СДК.
1-е месца - Смаліцкаму СК, 2 –е месца – Дуброўскаму СК.

1997 год.

У раёне 50 клубных устаноў: 3 гарадскіх Дамы культуры, 20 сельскіх Дамоў культуры, 27 сельскіх клубаў.

Дырэктарам РЦК і НТ назначаны Дарашкоў Ю.В. (24.08.1997 г. – 6.05.1998 г.)

Пераможцамі творчых справаздач сярод сельскіх устаноў культуры сталі: 1-е месца – Абідавіцкі СДК, 2 – е месца – Вараніноўскі СДК, 3-е месца - Чырвонаслабодскі і Новабыхаўскі СДК.

Па выніках работы за 1997 год Дыпломамі раённага выканаўчага камітэта ўзнагароджаны калектывы: Абідавіцкага СДК (дырэктар Александровіч З.А.), Дуброўскага СК ( загадчык Крыванос Л.С.)

Кошт білетаў на танцавальныя вечары ў СДК – 3 тыс. руб., у гарадскіх ДК – 7 тыс. руб.

1998 год.

У раёне працуе 49 клубных устаноў, 319 клубных фарміраванняў, з іх 214 гурткоў мастацкай самадзейнасці розных жанраў.

У верасні 1998 г. пачаў работу клуб “Маладой сям’і” пры РЦК.

Сярод калектываў мастацкай самадзейнасці раёна ў рамках рэспубліканскага фестываля “Беларусь – мая песня” занялі:

1 –е месца ДК м-на Быхаў -1,
2-е месца – Абідавіцкі СДК, Навабыхаўскі СДК, раённы аддзел народнай адукацыі,
3 – е месца - Сялецкі СК, Ямніцкі СК, Хлебазавод.

Дырэктарам РЦК і НТ са жніўня па снежань 1998 г. назначаны Бядэнка Мікілай Мікалаевіч.

У в. Кузькавічы жылы дом пераабсталяваны пад клуб.

Быхаўскі раённы цэнтр культуры.
Тут жа размешчана і цэнтральная бібліятэка г.Быхава.

2004 год.

Цэнтралізаваная клубная сістэма налічвае 47 клубных устаноў:

РЦК, ДК Быхаў- 1,

Сельскія Дамы культуры: Новабыхаўскі, Тайманаўскі, Вараніноўскі, Смаліцкі, Гарадзецкі, Чорнаборскі, Макранскі, Глухскі, Чырвонабеларускі, Абідавіцкі, Грудзінаўскі, Чырвонаслабодскі, Гадылеўскі, Ніканавіцкі, Баркалабаўскі, Палянінавіцкі;

Сельскія клубы: Чырвонаберажскі, Лудчыцкі, Ухлясцкі, Усходні, Віляхаўскі, Дуброўскі, Ісканскі, Ямніцкі, Сядзіцкі, Чачэвіцкі, Дунайкоўскі, Няражскі, Сялецкі, Холстаўскі (на стаўку), Станцыеннатошчыцкі, Касіцкі, Куькавіцкі, Балонаўскі, Балонавасялецкі, Хаміцкі, Перакладавіцкі, Палкаўскі, Лазараўскі, Залатвянскі, Кучынскі, Цвердаўскі, Трылесінскі ( на 0,5 стаўкі),

Клуб сацыяльна – культурных паслуг: Лубяніцкі, Вяземскі.

ДК м-на Колас перапрафіліраваны ў многапрофільны маладзёжны цэнтр “Колас”, перададзены на баланс раённага выканаўчага камітэта.

Працуе 259 клубных фарміраванняў: з іх на сяле 81 клуб па інтарэсах, 90 аматарскіх аб’яднанняў.

Колькасць удзельнікаў у клубных фарміраваннях па раёну - 2119 чалавек. Выканана платных паслуг 52676 руб. пры плане -56794 руб.

Набыта за сродкі бюджэта:

для РЦК - узмацняльная апаратура, “Караоке”, тэлевізар, відэапраектар, камп’ютары на суму 21531339 руб.;

на сродкі спецшчота: аудыасістэмы, кукла “Кеша”, 2 электрамабілі.

Прыярытэтнымі напрамкамі ў рабоце клубных устаноў з’явілася праца па праграмам “Спадчына”, “Дзеці Беларусі”, “Моладзь”, “Ветэран”, “Дасуг”, “Сям’я”, фарміраванне здаровага ладу жыцця, прафілактыка правапарушэнняў, работа з пажылымі людзьмі і ветэранамі.

За год адбылося 9031 культурна – дасугавых мерапрыемстваў, 8560 – на сяле.

Адкрыты ў РЦК дыска – зал “Піраміда”, які атрымаў вялікую папулярнасць у моладзі.

У раёне праводзяцца выяздныя семінары – практыкумы, вучоба маладых спецыялістаў, кансультацыі, аказваецца практычная дапамога работнікам сяла.

Работнікі РЦК прынялі ўдзел у вечары гумару “Рэха Аўцюкоў”.

2007 год

У раёне працуе 35 клубных устаноў і 1 аўтаклуб : Раённы цэнтр культуры, Дом культуры м/р-на Быхаў-1, 16 сельскіх Дамоў культуры і 17 сельскіх клубаў.

Работнікі ЦКС прымалі ўдзел у Рэспубліканскім свяце славянскага пісьменства (Дыплом і каштоўны падарунак), Міжнародным фестывалі народнага мастацтва “Вянок сяброўства” (Дыплом за ўдзел), у ІХ абласным фестывалі сямейнай творчасці “Сузор’е талентаў” (Дыпломы ІІ ІІІ ст.) і г.д.

Лялечны театр “Батлейка” набыў папулярнасць у дзяцей раёна. З пастаноўкамі ён выступае удзіцячых садках і школах раёна.

2008 год

У Быхаўскім раёне задачу развіцця творчых здольнасцяў насельніцтва і праваблівання яго да культурных каштоўнасцяў вырашаюць 34 установы культуры клубнага тыпу. Сярод іх працуюць раённы Цэнтр культуры, Дом культуры Быхаў - 1,

Грудзінаўскі Цэнтр культуры і вольнага часу, Баркалабаўскі культурна-спартыўны цэнтр, 16 сельскіх Дамоў культуры і 14 сельскіх клубаў.

2009 год

Прапагандаваць і ўкараняць у культурнае жыццё фальклор свайго народа як у сцэнічным варыянце, так і ва ўмовах прыроды - гэта ганаровы і адказны абавязак, трэба памятаць, што фальклор адшліфоўваўся на працягу многіх стагоддзяў, неабходна несці адказнасць перад сучаснікамі, перад тымі, хто перадае фальклор сення і перад тымі, хто будзе жыць заўтра.

Усе гэта як ніхто разумеюць клубныя работнікі Быхаўскага раёна. Разам з традыцыйнымі святамі і абрадамі, якія праходзяць на Беларусі, “ Купалле”, “ Калядныя святкі”, “ Масленіца”,

“ Гуканне вясны”, “ Троіца”, адраджаюцца ў раёне абрады, даўно забытыя. Адрадзілі ў баркалабаўскім КСЦ абрад “ Грамнічная свечка” . Шмат падрыхтоўчай работы было зроблена пры падрыхтоўцы гэтага прыгожага сімвалічнага абарада: бяседы са старэйшымі людзьмі вескі, запіс абрадавых песен. Радуе тое, што гэтым займаліся не толькі работнікі культуры, але і школьнікі.

Традыцыйным стала ў раёне правядзенне народнага свята “Яблычны спас” . Свята праводзілася на адкрытай пляцоўцы, удзельнікамі і гасцямі сталі ўсе жыхары населеннага пункта. У 2009 годзе свята было арганізавана ў весцы Усходняе. Ініцыятарамі правядзення свята выступілі работнікі раённага Цэнтра культуры і работнікі культуры Глухскага СДК і Усходняга СК. Актыўна ўключыліся ў падрыхтоўку мясцовыя органы ўлады, духавенства. Свята мела вялікі поспех, усе жыхары вескі былі ўдзячны арганізатарам свята.

На мясцовым матэрыяле праводзяцца абрады “ Камаедзіца” (Навабыхаўскі СДК), “ Жаніцьба коміна” ( Краснабеларускі СДК). Работнікі культуры змаглі адрадзіць даўнія абрады ў першапачатковым выглядзе, выкарыстоўваючы даўнія песні, танцы, гульні. У правядзенні і падрыхтоўцы народных свят і абрадаў прымаюць актыўны ўдзел моладзь і людзі сталага ўзросту.

Вельмі папулярным стала ў раёне правядзенне “ Калядных вандраванняў”, калі ў свяце ўдзельнічае амаль ўся веска, калі “ Калядныя зоркі” запальваюцца ў кожнай хаце, песні- велічальніцы гучаць у кожным баку вескі.” Калядныя вандроўкі” традыцыйна праводзяцца ў Абідавіцкім , Палянінавіцкім СДК, Сялецкім, Сядзіцкім СК, Баркалабаўскім КСЦ.

Цікавы і вельмі прыгожы абрад сумелі адрадзіць работнікі культуры Гадылеўскага СДК. Называецца ён “ Русальны тыдзень” і праводзіцца ў першую нядзелю Пятроўскага паста. У аснове абрадава-тэатралізаванае дзеянне, свята маладосці, у аснове народныя песні, гульні, танцы.

Работнікі культуры РЦК адрадзілі традыцыйную на Магілеўшчыне беларускую батлейку. У рэпертуары беларускія народныя казкі, спектаклі на рэлігіёзную тэматыку.

Вельмі цікава праводзяцца абрады “ Зажынкі” ( Макранскі СДК), “Дажынкі”( Навабыхаўскі СДК), “Каравайная субота” ( Макранскі СДК). У гэтым годзе творчыя справаздачы праводзіліся пад агульнай назвай “ З любоўю к малой Радзіме сваей” і былі прысвечаны Году роднай зямлі. Так, Баркалабаўскім КСЦ быў падрыхтаваны і паказаны абрад “ Кузьмінкі”, Сядзіцкі СК – сямейна –бытавы абрад “ Улазіны”, Краснабеларускі СДК – тэатралізаванае дзейства “ Запрашаем на кірмаш”.

Сёння дзеянне многіх клубных устаноў размяшчаецца на сваім, мясцовым матэрыяле – гэта вельмі адказная тэндэнцыя. Калі дзеці перамаюць традыцыі бацькоў, яны разам з тым напаўняюцца любоўю к сваей Малой Радзіме.

2010 год

Абнаўленне традыцыйных народных каляндарна- абрадавых свят на Быхаўшчыне здзяйсняецца двума шляхамі. Першы – традыцыйны, калі калектыў мастацкай самадзейнасці рыхтуе для дэманстрацыі той ці іншы абрад. Другі шлях – інавацыйны.У яго аснове ляжыць тры прынцыпа: даследванне, вывучэнне асобных элементаў, распрацоўка абрадавага комплекса. У гэтым напрамку абавязкова выкарыстоўваюцца наступныя прынцыпы: традыцыйная дата правядзення, месца правядзення, узрастковыя асаблівасці. Некаторыя народныя святы і абрады ў гэтым годзе сталі рэгіянальнымі. Рэгіянальнае свята – свята , якое праводзіцца сіламі некалькіх клубных устаноў на базе аднаго з іх кожны год павінен “ пераезжаць , у рамках рэгіёна, на новае месца.

Адно з такіх свят праводзілася ў Глухскім Доме культуры. “ Свята бульбы” – так называлася прыгожае самабытнае свята. У ім прынялі ўдзел Дама культуры і сельскія клубы размешчаныя бліжэй да месца правядзення.

Арганізатарамі выступілі работнікі раённага Цэнтра культуры, Усходняга сельскага клуба, Глухскага сельскага Дома культуры. Свята спачатку задумвалася як пачастунак працаўнікоў сельскай гаспадаркі, а атрымалась сапраўдные тэатралізаванае дзейства з народным юмарам, песнямі, самабытнымі танцамі. У свяце прымалі ўдзел творчыя калектывы Чарнаборскага СДК, Глухскага СДК, Усходняга СК, РЦК. Арганізатары свята пастараліся на славу: аформлена выстава майстроў Глухскага сельскага савета, вялікай папулярнасцю карысталась кафэ “ Бульбяное", працавала лабараторыя “ Бульбяных навук”, музей “ Бульбы”.Свята атрымалася цікавае для ўсіх узрастковых катэгорый.

У 2010 годзе клубныя ўстановы раёна праводзілі творчыя справаздачы перад насельніцтвам. Тэмай справаздач сталі тэатралізаваныя святы і абрады. На мясцовым матэрыяле Чарнаборскім СДК быў падрыхтаваны абрад “ Хрэсьбіны”. Песні, танцы, гульні – усе склалася у цікавы, прыгожы абрад. Упрыгожваннем сталі бытавыя танцы ў выкананні калектыва “ Вячоркі” Чарнаборскага сельскага Дома культуры.

Вельмі добра прайшло свята “ Багач” у Абідавіцкім сельскім Доме культуры. І хай гэта быў сцэнічны варыянт, гледачы ў зале адчувалі сябе удзельнікамі прыгожага свята. На сцэне разгарнуліся сталы з багатымі стравамі, Гаспадар – Багач з зярном сустракаў гледачоў і ўдзельнікаў. Гаспадыня – Багатуха сустракала гасцей, якія выконвалі песні, танцы.

“ Кірмаш па – быхаўску” быў падрыхтаваны Баркалабаўскім КСЦ, Макранскім СДК. У падрыхтоўцы сцэнарыя работнікі культуры выкарыстоўвалі песні, танцы, гульні мясцовага рэгіёну. Для гэтага была зроблена вялікая праца: апытаны старэйшыя жыхары населенных пунктаў, запісаны і вывучаны песні і гульні. На тэрыторыі Быхаўскага раёна, у Баркалабаўскім жаночым манастыры праводзіліся вялікія “ Кірмашы.” Работнікі культуры змаглі прыблізіць тэатралізаванае дзейства к таму часу.

Работнікі культуры Тайманаўскага СДК падрыхтавалі і правялі тэатралізаванае прадстаўленне “ Вясковыя пацехі”. Жарты, вяселыя песні, сцэнкі з сельскага жыцця вызывалі жывую цікавасць у гледачоў.

Работнікі культуры раённага Цэнтра культуры на мясцовым матэрыяле падрыхтавалі пасхальны абрад “ Валачобнікі”. З прадстаўленнем тэатральны калектыў выступіў у шматлікіх клубных установах раёна, на абласной выставе ў АНМЦ, на семінары для клубных работнікаў.

Абрадавае дзейства “ Валачобнікі” работнікі культуры змаглі адрадзіць амаль у першапачатковым выглядзе, выкарыстоўвая старадаўнія песні, танцы, гульні. У правядзенні і падрыхтоўкі народных свят і абрадаў прымаюць актыўны ўдзел моладзь і людзі сталага ўзросту.

Любое свята, абрад неадзельны ад песеннага фальклору. Вялікая роля ў арганізацыі і правядзенні народных свят належыць фальклорным калектывам раёна. Паспяхова спраўляюцца з гэтай задачай народны калектыў “ Багатуха”, народны калектыў ветэранаў вайны і працы “ Гаспадыня”, народны калектыў “ Дняпроўскія зоры”, фальклорныя калектывы Гадылеўскага , Абідавіцкага, Тайманаўскага, Навабыхаўскага, Макранскага , Вараніноўскага СДК.

2011 год

Пры раённым Цэнтры культуры працуе дзіцячы тэатр «Батлейка». Усе прадстаўленні гэтага тэатра ідуць на беларускай мове. Работнікі клубнай сістэмы вядуць работу па адраджэнню беларускамоўных абрадаў і святаў. Надаецца увага сямейна-бытавым абрадам.

Усяго за 2011 год было праведзена 289 святаў, у якіх удзельнічала 10737 чалавек. Пры клубных установах дзейнічалі 7 пляцовак філармпнічнага і тэатральна-відовішчнага абслугоўвання насельніцтва. Адчынена філарманічная пляцоўка пры Вараніноўскім СДК. Жыхароў 13 аграгарадкоў раёна абслугоўваюць стацыянарныя клубныя установы, а насельніцтву аграгарадка Следзюкі аказвае паслугі аўтаклуб адзела культуры сумесна з творчымі калектывамі.

У Быхаўскай ЦКС чатыры калектывы ўдастоены звання “народны” “Багатуха”, “Гаспадыня”, “Днепровские зори”, народны духавы аркестр.

2012 год

З 15 сакавіка па 15 лістапада 2012 года ў Беларусі праводзіўся рэпубліканскі агляд-конкурс на лепшую арганізацыю працы клубных устаноў аграгарадкоў "Клуб года". Па выніках абласнога этапу Магілёўшчыну на рэспубліканскім узроўні прадставіў Баркалабаўскі культурна-спартыўны цэнтр ДУК "Цэнтралізаваная клубная сістэма Быхаўскага раёна"

Літаратура:

1. Аўхачоў, В. Захоўваем, прымнажаем спадчыну / В.Аўхачоў // Маяк Прыдняп. – 2002 .- 23 кастр.

2. Ахрыменя, М. Унікальны куток / М.Ахрыменя //Маяк Прыдняп. – 2003.- 11 кастр.

3. Ахрименя, Н. Воздвигнута «Пирамида» /Н.Ахрименя //Маяк Прыдняп. – 2004.- 15 снеж.

4. Ахрименя, Н. Акцент – на жанровые формы/ Н. Ахрименя// Маяк Прыдняпроўя.- 2012.- 1 лютага.- С. 3.

5. «Клуб года» как повод для праздника // Могилевские ведомости.- 2012.- 20 ноября.- С. 5.

6. Умеют отдыхать// Зямля і людзі.- 2012.- 18 красавіка.- С. 16.