(01.01.1948)

Беларускі пісьменнік, публіцыст, драматург

Васiль Юр׳евiч Ткачоў нарадзiўся 1 студзеня 1948 г. у в. Гута Рагачоўскага раёна, а вырас на Быхаўшчыне ў в. Іскань, куды неўзабаве пераехалі ягоныя бацькі.

Скончыў аддзяленне журналiстыкi Львоўскага вышэйшага ваенна-палiтычнага вучылiшча. Працаваў ваенным карэспандэнтам, рэдактарам, спецыяльным карэспандэнтам газеты «Гомельская праўда». З 1989 па 2005 гг. – старшыня Гомельскага абласнога аддзялення Саюза беларускіх пісьменнікаў. Член Саюза пісьменнікаў Беларусі і Саюза тэатральных дзеячаў, лаўрэат прэміі Саюза беларускіх журналістаў і міжнароднай прэміі «Дружба» за лепшы публіцыстычны твор (нарыс “Сонцам хлеб на стале”). Пераможца літаратурнага конкурсу часопіса “Вясёлка” на лепшае апавяданне. П’еса “Стары і дарога” адзначана першай прэміяй на рэспубліканскім конкурсе ў 1985 г. Лаўрэат літаратурнай прэміі імя М. Доўнар-Запольскага і расійскай прэміі Баяна. Лаўрэат абласной літаратурнай прэміі імя Аляксандра Капусціна. Лаўрэат прэміі Федэрацыі прафсаюзаў Беларусі ў галіне літаратуры, мастацтва, журналістыкі і аматарскай творчасці.

Першае апавяданне “Шчарбаты нож” апублікавана ў 1966 г. Выдадзены кнігі для дзяцей “Хітры Данік” (1975 г.), “Партрэт салдата” (1984 г.), “Вятрак – птушка вольная” (2003 г.), “Незвычайны дыктант” (2004 г.), для дарослых - “Дзень у горадзе” (1985 г.), “Мой рай зямны” (1997 г.), “Тратнік” (2002 г.), кніга публіцыстыкі “Пахвалі пражыты дзень” (1998 г.), кнігі гумару – “Смех на прызбе” (1995 г.), “Карасі на пяску” (1977 г.) і “Крутыя хлопцы” (2001 г.). Заявіў пра сябе і як самабытны драматург. Магiлёўскiм абласным драматычным тэатрам пастаўлены яго п׳есы: “Сiвы бусел”, “Прыгоды з Канапухiным”, акадэмiчным Нацыянальным драматычным тэатрам iмя Я. Купалы – “Кветкi-ягадкi”, Гомельскiм абласным драматычным тэатрам – “Вокны”, “Усмiхаўся месяц белай вiшнi”, “Перапалох”, “Нехта ходзіць за акном…”. Ён таксама перакладае п׳есы з рускай i ўкраiнскай моў. Васiль Юр׳евiч з׳яўляецца аўтарам шматлiкiх аднаактовак, сярод якiх – “Стары і дарога”, “Кубік Рубіка”, “Неяк аднойчы”, “Дублёр”, “У лодцы без вясла”, “Белы дрозд”, “Арышт”.

На абласным тэлебачанні вёў аўтарскую літаратурна-мастацкую праграму “На прызбе з Васілём” (2001 – 2003 гг.).

Узнагароджаны Ганаровай граматай Міністэрства інфармацыі Рэспублікі Беларусь.

Творы Васіля Ткачова

Ткачоў, В. Вятрак – птушка вольная : аповесці, апавяданні / Васіль Ткачоў. — Гомель : РПУП «Палесдрук», 2003. – 281 с. Кнігу пісьменніка склалі аповесці, у аснову якіх пакладзены суровыя падзеі Вялікай Айчыннай вайны і першых дзён пасля вызвалення беларускай вёскі ад нямецка-фашысцкіх захопнікаў. У гэты няпросты час духоўную падрыхтаванасць да подзвігу праяўляюць і дзеці, якім наканавана было лёсам рана мужнець, станавіцца дарослымі. Апавяданні, змешчаныя ў кнізе, таксама звернуты да чалавека нашага часу.

Ткачёв, В. Ю. Дом коммунны : роман, повести / Василь Ткачёв ; перевод с белорус. языка М. Позднякова. — Минск : Літаратура і Мастацтва, 2010. — 232 с. — (Лімаўскі фальварак). В книгу вошли произведения, в которых он остаётся верен своим главным принципам – любви к своей малой родине, к землякам, которые несут в себе свет доброты и верности, преданности родному очагу, многострадальной белорусской земле.

Ткачоў, В. Карасі на пяску : гумар / Васіль Ткачоў. — Мінск : Б. і., 1997. — 31 с. Зборнік гумарэсак на розныя бытавыя тэмы.

Ткачоў, В. Мой рай зямны : апавяданні, кароткія былі, драматургія, маленькія гісторыі, сітуацыі, гумарэскі / Васіль Ткачоў. — Мазыр, 1997. — 166 с. У зборнік увайшлі апавяданні, кароткія былі, драматурнічныя творы, гумарэскі і шмат іншых твораў на самыя розныя тэмы.

Ткачоў, В. Ю. Снукер / Васіль Ткачоў. — Мінск, 2009. — 528 с. У зборнік увайшлі: раман «Дом камуны», апавяданні «Участковы і фокуснік» і «Гульня», п’есы «Снукер», «Банкамат», «Курорт для заця». Ва ўсіх творах аўтар распавядае пра сваю малую радзіму, аб дабрыні і любві да роднай зямлі.

Ткачоў, В. Тратнік : кніга прозы / Васіль Ткачоў. — Гомель : РПУП «Палесдрук», 2002. — 381 с. У гэту кнігу пісьменніка ўвайшлі творы, якія раней друкаваліся ў газетах і часопісах. Апавяданні прысвечаны простым, сціплым людзям з іх вечнымі жыццёвымі праблемалі. У цэнтры аповесці цікавая жыццёвая сітуацыя, у якую трапляюць яе героі.

Літаратура аб жыцці і творчасці Васіля Ткачова

Болсун, М. У крыніцы натхнення – вясковы выток: [Васілю Ткачову – 60] / Міхась Болсун // Белорусская нива. – 2008. – 10 января.

Кавалёў, М. Героі яго твораў – землякі: [вечарына ў в. Хатоўня, прысвечаная 65-годдзю з дня нараджэння Васіля Ткачова] / Міхась Кавалёў // Маяк Прыдняпроўя. – 2013. – 27 лютага. – С. 3.

Карлюкевич, А. Истоки – в Ашхабаде: [про Василя Ткачева] / Алесь Карлюкевич // Нёман. – 2013. – №1. – С. 217 – 220.

Ковалев, М. У каждого дома своя история [про книгу «Снукер»] / Михаил Ковалев // Белорусская нива. – 2011. – 23 февраля.

Леўчанка, М. У вёсцы яго карані: [да 60-годдзя Васіля Ткачова] / Мікола Леўчанка // Маяк Прыдняпроўя. – 2007. – 19 снежня. – С. 4.

Леўчанка, М. У Іскані пачынаўся шлях: [да 50-годдзя Васіля Ткачова] / Мікола Леўчанка // Маяк Прыдняпроўя. – 1998. – 21 студзеня. – С. 2.

Поздняков, М. Правда жизни: [про Василя Ткачева] / Михаил Поздняков. – Народная газета. – 2011. – 17 лютага.

Поздняков, М. Правда жизни: [про Василя Ткачева] / Михаил Поздняков. – Маяк Прыдняпроўя. – 2011. – 23 лютага.

Сліва, М. Талент яркі, адметны: (да 65-годдзя з дня нараджэння пісьменніка Васіля Ткачова) / Міхась Сліва // Маяк Прыдняпроўя. – 2012. – 29 снежня. – С. 7.

Снукер: раскрыццё існасці чалавека: [пра кнігу “Снукер”] // Літаратура і мастацтва. – 2011. – 17 чэрвеня.

Ткачоў, В. Ю. Мой рай зямны / Васіль Юр’евічТкачоў // З росных сцяжын: аўтабіяграфіі пісьменнікаў Беларусі / Укладальнік М. Мінзер. – Мінск: Літаратура і мастацтва. – 2009. – С. 380 – 385.

Ткачоў Васіль // Беларускія пісьменнікі: біябібліяграфічны слоўнік. У 6 т. – Мінск: БелЭн, 1995. – Т. 6. – С. 86 – 87.

→ Таленты роднай зямлі