21 лютага ва ўсім свеце адзначаўся Міжнародны дзень роднай мовы. Мова – частка чалавечай культуры, гістарычнай спадчыны. Дзякуючы ёй, працягваюць жыць традыцыі. Нацыянальная мова беларускага народа - Беларуская мова. І з гэтай нагоды бібліятэкары аддзела абслугоўвання і інфармацыі Быхаўскай цэнтральнай раённай бібліятэкі імя Б. В. Стральцова правялі з вучнямі СШ № 3 г. Быхава гульню-падарожжа “Любі, шануй, ведай роднае слова”.

Падчас мерапрыемства вядучыя звярнуліся да гісторыі паходжання і станаўлення сучаснай беларускай літаратурнай мовы, прыгадалі імёны тых, хто зрабіў усё, каб беларускае слова жыло ў вяках. Нягледзячы на тое, што наша родная мова прайшла складаны шлях, зараз мы жывём у той час, калі нам ніхто не забараняе карыстацца ёй. Вядучыя Алена Сідарэнка і Святлана Вашукевіч заклікалі прысутных, каб ведалі - сёння беларуская мова стала элітарнай, бо на ёй размаўляюць высокаадукаваныя людзі: літаратары, мастакі, дзеячы навукі. Такой мовай можна і неабходна ганарыцца. І менавіта ад іх, моладзі, залежыць яе далейшы лёс.