З мэтай папулярызацыі твораў Янкі Брыля бібліятэкары раённай дзіцячай бібліятэкі ва ўстанове адукацыі «СШ №3 г. Быхава» правялі літаратурную гадзіну «Янка Брыль: усё жыццё з народам» (да 100-годдзя з дня нараджэння беларускага пісьменніка-празаіка, перакладчыка, публіцыста).

Бібліятэкары расказалі аб жыцці і творчасці пісьменніка, засяродзілі ўвагу на рамане «Птушкі і гнёзды», у якім закранаецца тэма духоўных каштоўнасцей людзей, апынуўшыхся ў нечалавечых умовах у гады Вялікай Айчыннай вайны. На кніжнай выставе былі прадстаўлены і іншыя творы аўтара: «Адзін дзень», «Акраец хлеба», «В семье», «Мать».