18 мая ў Сялецкай сельскай бібліятэцы да 105-годдзя з дня нараджэння Васіля Віткі праведзена літаратурная гульня « Знаўцы творчасці Васіля Віткі».

Творы В.Віткі – выдатная крыніца, якая раскрывае багацце і прыгажость роднай мовы, абуджае ненатольную дзіцячую фантазію, вучыць углядацца ў наваколле, здзіўляцца і радавацца прыгажосці жыцця.

Бібліятэкар пазнаёміла дзяцей з выставай «Роднай мовы пясняр», расказала пра жыццёвы і творчы шлях пісьменніка. Удзельнікі мерапрыемства з задавальненнем гулялі ў гульні: «Загадкі дзеда Васіля», «Станцыя Лясная», «Дзіравы капялюш», адказалі на пытанні віктарыны «Па казках В.Віткі», праслухалі казку «Вавёрчына гора».