У філіяле «Гадылёўская сельская бібліятэка» ў рамках праекта «Кожная пятніца – роднае, сваё» сумесна з культарганізатарам філіяла «Гадылёўскі сельскі Дом культуры» прайшла літаратурная гадзіна «Чытаем беларускіх пісьменнікаў».

Мерапрыемства было прысвечана папулярызацыі роднай мовы і знаёмству з багаццем нацыянальнай літаратуры. Прысутным расказалі пра значэнне беларускай культуры і важнасць захавання літаратурнай спадчыны для будучых пакаленняў. Падчас сустрэчы бібліятэкар пазнаёміла гасцей з творамі беларускіх аўтараў. Удзельнікі з задавальненнем чыталі ўслых і абмяркоўвалі любімыя вершы і прозу на роднай мове.