У этнаграфічным кутку філіяла «Няражская сельская бібліятэка» для дзяцей прайшло этнаграфічнае падарожжа «Датуль завемся мы народам, пакуль шануем карані».

У ходзе мерапрыемства бібліятэкар расказала ўдзельнікам цікавую гісторыю пра старыя рэчы, пазнаёміла з прадметамі побыту беларусаў: верацяном, пралкай, гарлачом, прасам, іх назвамі, прызначэннем. Рабяты не толькі пазнаёміліся з прадметамі побыту продкаў, але і вучыліся імі карыстацца, атрымалі практычныя навыкі і ўяўленні аб хатняй працы. Напрыканцы мерапрыемства біблііятэкар пазнаёміла прысутных з кнігамі пра традыцыі беларусаў.