У рамках бібліятэчнай праграмы «Далучысь да роднага» супрацоўнікі цэнтральнай раённай бібліятэкі імя Б.В. Стральцова правялі рэкамендацыйны агляд «Беларуская мастацкая літаратура - раім пачытаць».

Наведвальнікам аддзялення сацыяльнай рэабілітацыі, абілітацыі інвалідаў і дзённага знаходжання для грамадзян пажылога ўзросту Установы «Быхаўскі РЦСАН» і членам Быхаўскай раённай арганізацыі грамадскага аб'яднання «Беларускае таварыства інвалідаў» расказалі аб творах беларускіх сучасных пісьменнікаў. Прысутныя даведаліся, што сучасная беларуская мастацкая літаратура існуе ў розных жанрах і здольна задаволіць чытацкі запыт на любы густ.