У межах праекта «Кожная пятніца – роднае, сваё!» у філіяле «Абідавіцкая сельская бібліятэка» прайшоў займальны час «Высокай пробы звон радзімай мовы». Бібліятэкар з цеплынёй расказала дзецям пра багацце роднай мовы, яе мілагучнасць і мудрасць, што перадаецца з пакалення ў пакаленне.

Юныя чытачы з цікавасцю пазнаёміліся з кніжнай выставай, дзе былі прадстаўлены творы беларускіх пісьменнікаў для дзяцей. Далей удзельнікі з задавальненнем збіралі беларускія народныя прыказкі, шукаючы ім пару, а потым тлумачылі іх значэнне сваімі словамі, паказваючы кемлівасць і веданне народнай мудрасці.