У філіяле «Навабыхаўская сельская бібліятэка» адбыўся ўрок роднай мовы «Любі, шануй, ведай роднае слова», прысвечаны Дню роднай мовы. Бібліятэкар пазнаёміла юных наведвальнікаў з гісторыяй свята, а таксама прадставіла кніжную выставу «Шлях друкаванага слова», дзе можна было пазнаёміцца з творамі беларускіх пісьменнікаў і літаратурнымі навінкамі.

---

Дзеці з задавальненнем праверылі свае веды ў гульні «Адгадай слова», паспрабавалі сілы ў творчым конкурсе «Мой родны гук» і паказалі эрудыцыю, адказваючы на пытанні віктарыны «Гэта цікава». Мерапрыемства атрымалася пазнавальным і жывым, яшчэ раз нагадаўшы ўсім пра прыгажосць і каштоўнасць беларускага слова.