У ДУА «СШ № 2 г. Быхава» бібліятэкар філіяла «Гарадская бібліятэка мікрараёна Колас» правяла вечар-партрэт «Голас сумлення і годнасці», прысвечаны 105-годдзю з дня нараджэння класіка беларускай літаратуры, народнага пісьменніка Беларусі Івана Пятровіча Шамякіна.

У ходзе мерапрыемства вучні даведаліся не толькі пра вядомыя дасягненні І. Шамякіна, але і пазнаёміліся з малавядомымі старонкамі яго біяграфіі, што дазволіла ім паглядзець на асобу пісьменніка па-новаму. Зацікавіў прысутных агляд твораў, на якім яны пазнаёміліся з такімі вядомымі раманамі як: «Трывожнае шчасце», «Сэрца на далоні», «Палеская мадонна», зборнікамі апавяданняў і кнігамі пра самаго пісьменніка.