Супрацоўнікі філіяла «Дзіцячая бібліятэка» для вучняў ДУА «СШ № 3 г. Быхава імя Н.Т. Маскалькова» правялі вечар-прысвячэнне «Пра роднае, дарагое», прымеркаваны да 75-годдзя з дня нараджэння пісьменніка-земляка Міхаіла Паўлавіча Пазнякова.

Загадчык бібліятэкі пазнаёміла юных чытачоў з яркімі старонкамі біяграфіі аўтара і яго творамі: «Песня прыроды», «Тры чарадзеі», «Алеська», «Мая цудоўная Радзіма», «Сынок», «Канцэрт» і інш. Асаблівую ўвагу бібліятэкар надала вершам пра любоў да роднай зямлі, нацыянальнай самабытнасці. Хлопчыкі і дзяўчынкі з захапленнем адгадвалі аўтарскія загадкі і паўтаралі скорагаворкі, а таксама пазнаёміліся з цікавымі кнігамі аўтара.