Супрацоўнікі філіяла «Гарадская бібліятэка мікрараёна Колас» для дзяцей з прышкольнага лагера ДУА «СШ № 2 г. Быхава» правялі літаратурны карагод «Беларуская зіма – гэта цуд, паверце».

На свята да дзяцей прыйшлі казачныя персанажы – Гном Гномыч і Зімушка-Зіма. Разам з імі дзеці адправіліся ў займальнае падарожжа па старонках беларускіх зімовых казак і вершаў, адгадвалі загадкі пра зімовыя з'явы, удзельнічалі ў віктарыне па творах беларускіх пісьменнікаў, спявалі песні.

За актыўнасць і творчыя таленты кожны ўдзельнік атрымаў салодкі падарунак. Да мерапрыемства была падрыхтавана яркая кніжная выстава «Літаратурная гірлянда».