У рамках Дня праваслаўнай кнігі супрацоўнікі філіяла «Гарадская бібліятэка мікрараёна Колас» у ДУА «СШ № 2 г. Быхава» арганізавалі літаратурна-гістарычнае падарожжа «Асветнік, вучоны, першадрукар», на якое быў запрошаны іерэй Ігар, настаяцель Свята-Успенскага храма аг. Мокрае.

У пачатку мерапрыемства бібліятэкары адзначылі, што мерапрыемства прымеркавана да 535-годдзя з дня нараджэння Ф. Скарыны. Расказалі прысутным аб гісторыі беларускага кнігадрукавання, пазнаёмілі іх з жыццёвым шляхам і асветніцкай дзейнасцю беларускага першадрукара, раздалі ўлёткі «Наш асветнік – Ф. Скарына». Далей іерэй Ігар вызначыў ролю праваслаўнай літаратуры ў духоўным жыцці чалавека, адзначыў, што праваслаўныя кнігі нясуць дабро, дапамагаюць людзям пазнаць сэнс жыцця, навучыцца хрысціянскай любові – гэта духоўная школа для кожнага. Удзельнікі задавалі госцю пытанні, на якія ён стараўся адказваць проста і зразумела. Увазе прысутных была падрыхтавана кніжная выстава «Духовных книг божественная мудрость».