Да 125-годдзя з дня нараджэння беларускага пісьменніка Міхася Лынькова бібліятэкар філіяла «Гарадская бібліятэка мікрараёна Колас» у ДУА «СШ № 2 г. Быхава» правяла літаратурную гадзіну «Прамяністае святло таленту». Бібліятэкар пазнаёміла дзяцей з жыццём і творчасцю пісьменніка.

Найбольшую цікавасць у прысутных выклікалі творы пісьменніка, напісаныя для дзяцей: «Пра смелага ваяку Мішку і яго слаўных таварышаў», «Міколка-паравоз», «Янка Парашутыст». Далей удзельнікі адказалі на пытанні віктарыны, азнаёміліся з кніжным развалам, на якім былі прадстаўлены мастацкія творы юбіляра.