У Цэнтры культуры, народнай творчасці і рамёстваў бібліятэчныя работнікі гарадской бібліятэкі-філіяла №49 арганізавалі і правялі літаратурна-музычную гасцёўню “Мелодыя жывога слова”, прысвечаную Міжнароднаму дню роднай мовы. У ходзе мерапрыемства былі праследжаны этапы станаўлення беларускай мовы, гучалі песні на словы беларускай паэтэсы К.Буйло ў выкананні салісткі раённага Цэнтра культуры Алены Лінкевіч і дуэта “Валянцін і Валянціна”. Пастаянная чытачка бібліятэкі Таццяна Палавікова прачытала верш Н.Гілевіча “Першая клятва” і вершы асабістага сачынення пра родную мову. Настаўніца беларускай мовы ДУА “Сярэдняя школа №2 г.Быхава” Наталля Бараноўская расказала аб рабоце, якая вядзецца ў іх навучальнай установе па прывіццю ў школьнікаў любові да роднай мовы, паказала буклеты з вершамі, якія напісалі таленавітыя рабяты іх школы. Да мерапрыемства была аформлена тэматычная выстава “Як многа сілы ў кожным слове”.