У Баркалабаўскай сельскай бібліятэцы сумесна з культарганізатарам філіяла «Баркалабаўскі культурна-спартыўны Цэнтр» праведзены пазнавальны конкурс «Знаўца беларускай мовы», прысвечаны Міжнароднаму дню роднай мовы.

Пачалося мерапрыемства з чытання верша М. Пазнякова «Беларусь». Далей дзеці актыўна і з задавальненнем адгадвалі беларускія загадкі, прынялі ўдзел у конкурсах: «Кот у мяшку», «Перакладчыкі», «Назаві адным словам», «Складзі прыказку», «Наборшчыкі». Рабяты паспяхова справіліся з прапанаванымі заданнямі, а потым азнаёміліся з кніжным развалам «Народная спадчына».