Напярэдадні Міжнароднага дня роднай мовы супрацоўнікі раённай дзіцячай бібліятэкі ў ДУА «СШ №1 г. Быхава» для вучняў 3 «Б» класа правялі літаратурную гульню «Старонкі з моўнай скарбонкі». Бібліятэкар расказала пра гісторыю свята, паведаміла шэраг цікавых фактаў пра нашу родную мову і парэкамендавала творы беларускай літаратуры.

Дзеці з ахвотай прынялі ўдзел у гульнях: «Перакладчыкі», «Словазнаўцы», «Знаўцы беларускага фальклору», адгадалі загадкі, праслухалі на беларускай мове прыказкі і прымаўкі. Мерапрыемства атрымалася добрым і, напэўна, ва ўсіх яно пакінула часцінку дабрыні і любові да роднай мовы.