Бібліятэкар Следзюкоўскай сельскай бібліятэкі да 75-годдзя з дня нараджэння Мікалая Фёдаравіча Макарцова, рэжысёра, пісьменніка, фалькларыста, нашага зямляка ў ДУА «Следзюкоўская базавая школа імя Д.Я. Аскаленка» правяла літаратурную гадзіну «Слова пра творца».

На мерапрымстве навучэнцы даведаліся аб тым, што Мікола Макарцоў вучыўся ў Магілёўскім культурна-асветніцкім вучылішчы і ў Беларускім дзяржаўным тэатральна-мастацкім інстытуце. Свае артыстычныя здольнасці Мікалай Фёдаравіч праяўляў не толькі ў фальклорным тэатры, але і на тэлеэкране і радыё. Займаўся ён і літаратурнай дзейнасцю, друкаваўся ў рэспубліканскіх газетах, часопісах. Ён з’яўляецца аўтарам п’есы «Тураўская легенда» і кніг: «Каб не пересыхала крыніца», «Слова пра творцаў», « Па святочных шляхах Беларусі». Яго творчасць адлюстравана ў энцыклапедыях і кнігах. На прыканцы мерапрыемства бібліятэкар азнаёміла ўдзельнікаў з творамі пісьменніка-земляка, які ўнёс значны ўклад у культуру і мастацтва Беларусі, развіццё рэспубліканскай святочна-фестывальнай рэжысёрскай школы.