1 студзеня Мікалай Уладзіміравіч Леўчанка адзначыў 70-гадовы юбілей. Нарадзіўся пісьменнік 13 лістапада 1953 года ў в. Калодзецкая Касцюковіцкага раёна, але па дакументах значыцца, што яго дзень нараджэння 1 студзеня 1954 года.

Ад імя чытачоў і супрацоўнікаў бібліятэк Быхаўшчыны віншуем Мікалая Уладзіміравіча з юбілеем. Шчыра жадаем моцнага здароўя, натхнення, далейшых творчых поспехаў у літаратурнай працы!

Шмат гадоў Мікалай Уладзіміравіч працаваў журналістам на радыё і ў газетах, амаль 25 з іх узначальваў рэдакцыю Быхаўскай раённай газеты “Маяк Прыдняпроўя”. Выдатнік друку Беларусі, заслужаны журналіст і лаўрэат прэміі Беларускага саюза журналістаў “Залатое пяро”, лаўрэат спецыяльная прэміі Магілёўскага аблвыканкама “Чалавек года”, уладальнік Гран-пры VI Нацыянальнага конкурсу друкаваных СМІ “Залатая літара”, лаўрэат X Нацыянальнага конкурсу друкаваных СМІ “Залатая літара”. Член Саюза пісьменнікаў Беларусі. Першы лаўрэат літаратурнай прэміі імя Алеся Пісьмянкова і літаратурнага конкурсу “Байцы ўзгадваюць…”. Аўтар 9-ці зборнікаў паэзіі, прозы, дакументальна-мастацкай публіцыстыкі. Ганаровы грамадзянін Быхаўскага раёна.