У чытальнай зале цэнтральнай раённай бібліятэкі імя Б.В. Стральцова, для ўдзельнікаў клуба па інтарэсах «Золотой возраст», прайшоў вечар-элегія «Жыцця загадкавы палёт», прысвечаны 75-годдзю з дня нараджэння выдатнай беларускай паэткі Яўгеніі Янішчыц.

Яўгенія Янішчыц...Прыродны паэтычны дар. I цяжкая жыццёвая дарога. Вялікая творчая ўдача, высокі лірычны ўзлёт. I глыбокая асабістая драма — трагічны зыход. Месяц з'яўлення — лістапад. I месяц знікнення — лістапад. Паміж днём народзінаў і трагічнаю датаю — сорак гадоў, толькі сорак. Яна пакінула за сваё нядоўгае жыццё вялікую паэтычную спадчыну для Беларусі і стала адным з сімвалаў Палесся. Слухачы пазнаёміліся з жыццёвым і творчым шляхам паэткі, даведаліся аб яе трагічным лёсе. З задавальненнем слухалі вершы прысвечаныя радзіме, маці, землякам, сыну і канешне каханню. Гучалі песні ў сучасным выкананні беларускіх гуртоў на яе вершы.

Мерапрыемства праходзіла ў рамках бібліятэчнай праграммы «Библиотека. Писатель. Читатель».