Напярэдадні Дня бібліятэк у Нацыянальнай бібліятэцы Беларусі сабраліся бібліятэкары са ўсіх куточкаў Беларусі, сярод іх былі прадстаўнікі і Быхаўскай бібліятэчнай сеткі: дырэктар Ірына Маргунова і бібліятэкар Макранскай сельскай бібліятэкі Алена Кавалёва. Перад прысутнымі выступіў першы намеснік Міністра культуры РБ Валерый Грамада, які зачытаў віншаванне Міністра культуры РБ Анатолія Маркевіча.

У межах мерапрыемства адбылася ўрачыстая цырымонія ўзнагароджвання пераможцаў XXXI рэспубліканскага конкурсу «Бібліятэка – асяродак нацыянальнай культуры», дзе перамогу атрымалі 22 публічныя бібліятэкі, у ліку якіх была і наша Макранская сельская бібліятэка.