Бібліятэкары раённай дзіцячай бібліятэкі для вучняў ДУА «СШ №3 г.Быхава» правялі літаратурную гадзіну «Захавальнік і абаронца беларускасці», прысвечаную творчасці народнага паэта Беларусі – Ніла Гілевіча, якому 30 верасня споўнілася б 90 гадоў.

Да мерапрыемства была падрыхтавана прэзентацыя «Ніл Гілевіч», з дапамогай якой прысутныя пазнаёміліся з жыццём і творчасцю паэта. Падчас мерапрыемства гучалі вершы Н.Гілевіча, прысвечаныя роднаму краю, Беларусі, бацькам і роднай мове: «Край мой беларускі!», «Маці», «Роднае слова», «Лёс і песня» і інш.