У час работы летняй пляцоўкі «Вясёлая паляна» бібліятэкар Баркалабаўскай сельскай бібліятэкі правяла гістарычны экскурс «Імя, славутае ў вяках», прысвечаны Дню памяці святой Еўфрасінні Полацкай. Бібліятэкар пазнаёміла прысутных з жыццём і духоўнай спадчынай знакамітай Полацкай князёўны.

Зачытала вершаваныя радкі, прысвечаныя Еўфрасінні Полацкай, з «Аповесці жыцця і смерці святой і блажэннай і найпадобнейшай Еўфрасінні». Прадставіла іх увазе фота карцін, абразаў, крыжа Еўфрасінні Полацкай; фота Полацкага Сафійскага Сабора, помніка Еўфрасінні; кнігі пра Е.Полацкую.