Работнікі ДУК «Цэнтралізаваная клубная сістэма Быхаўскага раёна» і галоўны фондазахавальнік ДУК «Быхаўскі раённы гісторыка-краязнаўчы музей» наведалі «Беларускі пакой сялянскага побыту» у раённай дзіцячай бібліятэцы ў рамках раённага агляду-конкурсу музейных куткоў і пакояў, створаных пры ўстановах культуры.

Бібліятэкар расказала гасцям у якім годзе быў створаны пакой, азнаёміла з экспанатамі, дзе знайшлі сваё месца рэчы, прынесеныя жыхарамі горада дзеля захавання мінулага. Экспазіцыя пакоя ўключае ў сябе рэчы, якімі калісьці карысталіся ў штодзённым жыцці нашы продкі. Гэта цудоўны варыянт цікавай вандроўкі ў мінулае беларускага сялянства.