Кожны чалавек павінен шанаваць сваю мову, традыцыі і культуру свайго народа, таму святкаванне Міжнароднага дня роднай мовы стала традыцыйным у раённай дзіцячай бібліятэцы. Да гэтага дня ў бібліятэцы была створана тэматычная кніжная выстава «21 лютага – Міжнародны дзень роднай мовы», на якой былі прадстаўлены кнігі па гісторыі беларускай мовы, слоўнікі беларускай мовы, вершы, байкі, загадкі і лепшыя творы беларускай літаратуры – класікаў і сучасных аўтараў. Дзецям было прапанавана адгадаць беларускія загадкі і растлумачыць беларускія прымаўкі і прыказкі.