Да 100-годдзя з дня нараджэння беларускага пісьменніка і публіцыста Івана Мележа ў Макранскай сельскай бібліятэцы прайшла літаратурная гадзіна «Летапісец палескай зямлі». У час мерапрыемства бібліятэкар азнаёміла падлеткаў з тэматыкай твораў «Мінскі напрамак», «Пакуль малады», «Дні нашага нараджэння», асаблівую ўвагу звярнула на «Палескую хроніку» (раманы «Людзі на балоце», «Подых навальніцы», «Завеі, снежань»), кожная старонка якой – хвалюючы роздум пісьменніка аб часе, жыцці, каханні.

Выступленне бібліятэкара суправаджалася паказам электроннай прэзентацыі «Іван Паўлавіч Мележ». Творы пісьменніка былі прадстаўлены на кніжнай выставе «Вялікі дар нашчадкам» і праведзены бібліяграфічны абзор.