Гісторыя Грудзінаўкі ў падзеях і імёнах

	Доўгі час гэтая мясцовасць належала польскім магнатам Хадкевічам і Сапегам. У 1772 г., пасля першага падзелу Рэчы Паспалітай, яна адышла да Расіі.
1772 г.	Пасля першага падзелу Польшчы ўрад Кацярыны ІІ надзяліў графа Талстога Дзмітрыя Аляксандравіча буйнымі зямельнымі ўгоддзямі в. Грудзінаўка.
1804–1823 гг.	У маёнтку Грудзінаўка графа Талстога Дзмітрыя Аляксандравіча дзейнічаў выдатнейшы племянны конны завод.
1811–1818 гг.	Дзмітрый Аляксандравіч Талсты быў губернатарам Магілёва.
1813–1837 гг.	У в. Грудзінаўка знаходзілася суконная мануфактура.
1823 г,	На дзевяці ткацкіх станках Грудзінаўскай мануфактуры прыгонныя ткачыхі саткалі 6250 аршын простага тонкага і фламадскага палатна.
1829 г.	На Першай публічнай выставе расійскіх мануфактурных вырабаў у Пецярбургу Грудзінаўская мануфактура ўзнагароджана Вялікім Сярэбраным медалём “За дабротныя і сходныя па цане сукны”. Колькасць рабочых даходзіла да 103 чалавек — усе былі з прыгонных сялян.
1832 г.	Памёр генерал-маёр граф Талсты Дзмітрый Аляксандравіч, які быў пахаваны ў Грудзінаўскай царкве.
1842 г.	Пабудавана мураваная царква.
У другой палове ХІХ ст.	Закладзены Грудзінаўскі пейзажны парк.
1843 г.	Нарадзілася Аляксандра Рыгораўна Талстая (Шчарбатава), жонка Дзмітрыя Паўлавіча.
1853–1894 гг.	Гады жыцця Талстога Дзмітрыя Паўлавіча.
1854 г., 4 кастрычніка	Нарадзіўся Іерафей Васільевіч Касценіч, доктар медыцыны, прафесар афтальмалогіі. Сваё дзяцінства правёў у в. Царкоўны Асавец, што каля Грудзінаўкі.
1862 г., лістапад	Граф і часоваабавязаныя сямі вёсак Кузькавіцкай вобласці заключылі Выкупныя дамовы, падпісаныя самім уладальнікам і ўпаўнаважанымі ад сялян.
1863 г.	Пры сялянскай рэформе Паўлу Дзмітрыевічу Талстому (сыну Талстога Д.А.) дасталася 1147 прыгонных і доўг за маёнткам у суме 67 757 руб.
1875 г.	Памёр Талсты Павел Дзмітрыевіч. Маёнтак пераходзе да ягонага сына Дзмітрыя Паўлавіча Талстога.
1878 г.	Талсты Дзмітрый Паўлавіч, гаспадар маёнтка, меў 2062 дзесяціны зямлі, 2 млыны, 5 корчмаў, смаляны завод.
1879 г.	Запрацаваў пункт па вывядзенні чыстапародных коней.
1882–1917 гг.	Гады жыцця Соф’і Дзмітрыеўны Талстой, дачкі Дзмітрыя Паўлавіча і Аляксандры Рыгораўны.
1883 г.	Нарадзіўся Аляксандр Апанасавіч Мазураў — удзельнік рэвалюцыі 1905-1907 гг., паўстання на браняносцы “Пацёмкін”.
1884–1894 гг.	Пасля заканчэння Ваенна-медыцынскай акадэміі доктар медыцыны, клінічны прафесар Іерафей Васільевіч Касценіч у в. Рыжкаўка, пад час адпачынку, аказваў бясплатную медыцынскую дапамогу хворым на вочы.
1888–1989 гг.	Царкоўна-прыходская школа знаходзілася ў драўляным будынку, пабудаваным на сродкі графа Дзмітрыя Аляксандравіча Талстога.
1894 г.	Гаспадыняй Грудзінаўкі стала ўдава Талстога Дзмітрыя Паўлавіча Аляксандра Рыгораўна.
1897 г.	У фальварку (2 двары, 78 жыхароў) дзейнічала школа.
1894 г., за два месяцы	У Рыжкаўскім амбулаторным пакоі і ў сябе дома (в. Царкоўны Асавец) І. В. Касценічам было прынята 3092 хворых, аперацыйную дапамогу атрымалі 477 чалавек, з іх больш як 200 былі зроблены складаныя аперацыі на вачах.
1899 г.	Каля вёскі Грудзінаўка на ўласныя сродкі Аляксандра Рыгораўна Талстая (Шчарбатава) пабудавала Рыжкаўскую бальніцу.
Пачатак ХХ ст.	Пабудаваны Грудзінаўскі палац.
1903 г., 13 лютага	У Санкт-Пецярбургу ў Зімовым палацы адбыўся “Баль 1903 года”, на якім прысутнічала графіня Аляксандра Рыгораўна Талстая. Гэта быў апошні баль імператарскай Расіі.
1903 г.	Касценіч І. В., прафесар афтальмалогіі, зрабіў аперацыю на воку славутаму хіміку Мендзялееву Дз. І.
1905 г.	Аляксандра Рыгораўна Талстая стала ўдзельніцай камітэта Чырвонага Крыжа па Быхаўскаму ўезду.
1905 г., 24 снежня	Памёр Касценіч Іерафей Васільевіч, доктар медыцыны, клінічны прафесар. Пахаваны ў в. Чырвоны Асавец.
1908 г.	Пабудаваны вінакурны завод.
1909 г.	Арганізавана Грудзінаўскае таварыства спажыўцоў.
1910 г.	Адкрыта паштова-тэлеграфнае аддзяленне, дзейнічалі пажарная дружына, царква, малітоўны дом, а таксама вінакурны завод.
1915 г.	Рыжкаўская бальніца перададзена земству.
1917 г., лістапад	У Грудзінаўцы ўстаноўлена савецкая ўлада.
1918 г.	Створаны Грудзінаўскі Рэўкам (сельскі Савет).
1919 г.	Грудзінаўскі Рэўкам перайменаваны ў Грудзінаўскі валвыканкам.
1919 г.	Арганізаваны саўгас ”Грудзінаўскі”. Упраўляючым быў Самасейка Мікалай Тарасавіч.
1920 г.	У в. Грудзінаўка нарадзілася Нерадзенкава Ніна Іванаўна (1920–1993). Працавала ў Грудзінаўскай сярэдняй школе. Узнагароджана ордэнам Леніна (1971).
1921 г.	Загадчыкам Грудзінаўскага валаснога аддзела народнай асветы прызначаюць Міцкевіча Ігнація Юр’евіча (дзядзька народнага паэта Якуба Коласа).
1922 г.	Першым старшынёй саўгаса ”Грудзінаўскі” стаў Смалякоў Емяльян Паўлавіч.
1924 г.	Першы выпуск 9-га класа Грудзінаўскай школы.
1924 г.	Вінакурны завод стаў называцца спіртзаводам і знаходзіўся пад ведамствам саўгаса. Дырэктарам завода быў Чорствы. У хуткім часе завод перайшоў у распараджэнне дзяржавы.
1925 г., 18 ліпеня	У Парыжы памёрла Талстая Аляксандра Рыгораўна.
1925 г.	Грудзінаўскі валвыканкам быў рэарганізаваны ў Грудзінаўскі сельскі Савет.
1925 г.	У саўгасе “Грудзінаўскі” створана піянерская арганізацыя.
1925 г., 16 ліпеня	Нарадзіўся Кугель Калман Шмеркавіч, заслужаны ўрач БССР (1966).
1926 г.	Згарэў будынак школы. Пад школу быў прыстасаваны драўляны графскі дом (флігель).
Да 1927 г.	У Рыжкаўскай бальніцы працавала выпускніца Маскоўскага ўніверсітэта Валянціна Міхайлаўна Міцкевіч (1878–1951), жонка стрыечнага дзядзькі Якуба Коласа – Ігнація Юр’евіча Міцкевіча.
У 1927 г.	Пасля заканчэння Ленінградскага медыцынскага інстытута працавала ўрачом у Рыжкаўцы Разалія Ільінічна Бір, якая ўзнагароджана ордэнам “Знак Пашаны”, ёй прысвоена званне “Заслужаны ўрач БССР” (1966).
1928 г.	Электрыфікавана в. Грудзінаўка.
1929–1939 гг.	У Рыжкаўскай бальніцы працаваў урачом Самуіл Майсеевіч Марголін, за гады працы якога з дапамогай калгасаў і грамадскасці былі адрамантаваны бальнічныя карпусы, створана падсобная гаспадарка, праводзіліся складаныя аперацыі.
1930-х гг.	Грудзінаўская школа перайменавана ў школу калгаснай моладзі.
1930-х гг.	Пры гаспадарцы арганізавана школа “Саўгаснавуч” на 120 чалавек, якая рыхтавала маладых аграномаў.
1930 г.	У саўгасе працуе дзіцячы сад, клуб.
1931 г.	У пачатковай школе в. Рыжкаўка арганізаваны піянерскі атрад.
1931–1938 гг.	Дырэктар саўгаса “Грудзінаўскі” – Шайтар Карп Купрыянавіч.
1932–1937 гг.	Саўгас спецыялізаваўся як рэпрадуктыўны племзавод.
1933 г.	Пачала працаваць машынна-трактарная станцыя.
1933 г.	На падставе пастанаўлення Саўнаргаса БССР спіртзавод быў выдзелены з Грудзінаўскага саўгаса на самастойны баланс і быў перададзены ў падпарадкаванне Белгалоўспірта галоўнага кіравання спіртавой прамысловасці СССР.
1934 г.	Рэканструкцыя электрастанцыі на спіртзаводзе.
1935 г.	Зачынена Грудзінаўская царква.
1937 г.	Праведзена ліквідацыя Белгалоўспірта БССР, арганізаваны спірттрэст у г. Гомеле, у распараджэнне якога перададзены Грудзінаўскі спіртзавод.
1937 г.	Праводзілася ўмацаванне зямельнага фонду калгасаў. Саўгас “Грудзінаўскі” быў ліквідаваны.
1938 г.	На тэрыторыю былога саўгаса была пераведзена МТС з в. Кузькавічы.
1939 г.	У Грудзінаўскім маёнтку адчынілася лясная аздараўленчая школа санаторнага тыпу.
1939 г.	За вялікія заслугі ў развіцці народнай аховы здароўя Рыжкаўскай бальніцы прысвоена імя У. І. Леніна.
З 24.01.1939 г.	Грудзінаўка — цэнтр сельсавета Быхаўскага раёна.
1940 г., 15 снежня	Нарадзіўся Плотнікаў Браніслаў Аляксандравіч, беларускі мовазнаўца, доктар філалагічных навук, прафесар, лаўрэат Дзяржаўнай прэміі Беларусі. Выхоўваўся ў Грудзінаўскім дзіцячым доме для пасляваенных дзяцей-сірот.
Да 1941 г.	Дырэктарам МТС быў Аляксандр Пятровіч Таміла.
Да 1941 г.	У флігелі Грудзінаўскага палаца мясцілася сярэдняя школа.
З ліпеня 1941 г.	Грудзінаўка акупіравана нямецка-фашысцкімі захопнікамі.
1941–1944 гг.	Падчас вайны ў Грудзінаўскім палацы размяшчаўся нямецкі шпіталь.
1943 г.	Ад неасцярожнага абыходжання з агнём немцаў, якія прыстасавалі школу для гаспадарчых патрэбаў, згарэў флігель.
1944 г.	Разбомблена Грудзінаўская царква.
1944 г., 26 чэрвеня	Грудзінаўка вызвалена ад нямецка-фашысцкіх захопнікаў часцямі Чырвонай Арміі.
1944 г.	Дырэктарам МТС назначаны Васіль Цімафеевіч Гадунцоў.
1945 г.	Дырэктарам Кузькавіцкай МТС назначаны Астапенка Мікалай Сяргеевіч.
1945 г., 26 чэрвеня	З Алтайскага трактарнага завода прывезены 2 трактары.
1945 г., 14 жніўня	Дырэктарам МТС прызначаны Малашка Іосіф Паўлавіч.
1945 г., 15 жніўня	Адноўлена нафтабаза, яе загадчыкам прызначаны Меляшкоў Аляксандр Несцеравіч. Створана чацвёртая трактарная брыгада.
1945 г.	Грудзінаўскі спіртзавод аднавіў сваю дзейнасць у складзе Гомельскага трэста спіртавой прамысловасці. Завод выпускаў 350 дэкалітраў у суткі.
1945–1961 гг.	У маёнтку знаходзіўся спецдзетдом для дзяцей, бацькі якіх загінулі на вайне.
1946 г., 23 лютага	Дырэктарам МТС назначаны Лепешаў Клім Аляксеевіч. На той час у МТС было 12 трактароў, 4 аўтамашыны.
1946 г.	Грудзінаўскі спіртзавод выходзіць на даваенную магутнасць.
1946 г.	Адчынена першая група дзіцячага сада (у канторы Кузькавіцкай МТС).
1946–1969 гг.	Загадчыца дзіцячага сада Ярошка Феня Данілаўна.
1948 г.	У вёсцы абсталяваны радыёвузел.
1949 г.	Грудзінаўскі спіртзавод перададзены ў сістэму Міністэрства харчовай прамысловасці БССР.
1950 г.	Адкрылася Грудзінаўская сельская бібліятэка. Кніжны фонд складаў 1811 экзэмпляраў.
1950 г.	Кугель Калман Шмеркавіч скончыў Мінскі медыцынскі інстытут і па размеркаванні быў накіраваны ў Рыжкаўскую сельскую бальніцу, якой нязменна кіраваў на працягу 47 гадоў.
1952 г.	Па ініцыятыве Кугеля К.Ш. Міністэрствам аховы здароўя Рыжкаўскай сельскай бальніцы выдзелена клінічная лабараторыя.
1952–1986 гг.	Гады працы ў Грудзінаўскай сельскай бібліятэцы бібліятэкара Суслянковай Вольгі Сцяпанаўны.
1953 г.	Дзяцей стала больш і пад дзіцячы сад абсталявалі будынак старога клуба, які знаходзіўся каля спіртзавода.
1953 г., на 1 кастрычніка	У пастаянныя кадры МТС уключаны 17 брыгадзіраў, 7 памбрыгадзіраў, 32 механізатары-камбайнеры, 14 запраўшчыкаў, 92 трактарысты.
1953 г.	Грудзінаўскі спіртзавод перададзены ў падпарадкаванне Міністэрства прамысловасці харчовых тавараў рэспублікі.
1954 г.	Адчынены Грудзінаўскі сельскі клуб, які размясціўся ў бараку Грудзінаўскага спіртзавода. Адказным за работу клуба быў рабочы спіртзавода Панкратаў Міхаіл Авер’янавіч.
1954 г.	Выконваць абавязкі дырэктара МТС пачаў Трыполка Пётр Іосіфавіч, зацверджаны дырэктарам у красавіку 1955 г. і працаваў ім да ліквідацыі МТС.
1956 г.	Канчаткова падарвана і знесена Грудзінаўская царква.
1957 г., 5 сакавіка	Памёр жыхар вёскі А. А. Мазураў, удзельнік рэвалюцыі 1905–1907 гг., паўстання на легендарным браняносцы “Пацёмкін”.
1957 г., 22 красавіка	Утвораны адкормачны саўгас “Грудзінаўскі” Магілёўскага абласнога трэста мясаптушкаперапрацоўчай прамысловасці на базе Грудзінаўскага адкормачнага пункта жывёлы (на адходах спіртзавода), Кузькавіцкай машынатрактарнай станцыі і чатырох эканамічна нямоцных калгасах “Новае жыццё”, імя Калініна, імя Варашылава і імя Молатава.
1958–1961 гг.	Сельскі клуб знаходзіўся ў будынку канторы саўгаса. Першым загадчыкам клуба быў Дзергачоў Яраслаў Рыгоравіч.
1961 г.	Стары графскі будынак канюшні быў абсталяваны пад сельскі клуб.
1958 г., 26 лютага	Нарадзіўся Рабычын Мікалай Міхайлавіч, акцёр, кіраўнік народнага фальклорна-гумарыстычнага ансамбля “Цешча”.
1958–1986 гг.	Дырэктар Грудзінаўскай школы-інтэрната — Алексяёнак Уладзімір Кузьміч. У школе-інтэрнаце штогод знаходзілася больш за 200 дзяцей.
1959 г.	Колькасць бальнічных месц у Рыжкаўскай бальніцы павялічылася на 15. Устаноўка рухавіка з генератарам дазволіла мець электрычнасць.
1960 г.	Побач з палацам пабудаваны трохпавярховы спальны корпус школы-інтэрната для дзяцей, хворых на рэўматызм.
1960 г.	Упершыню ў вобласці на базе Рыжкаўскай бальніцы быў праведзены семінар па абмену вопытам. На ўчастку была створана выязная дзіцячая кансультацыя, таксама першая ў вобласці, пасля рэгулярнай працы якой адбылося зніжэнне дзіцячай смяротнасці.
1961 г.	У мэтах забеспячэння вінаробнай прамысловасці каляровымі каўпачкамі з віскозы для афармлення бутэлек з вінаградным віном на Грудзінаўскім спіртзаводзе пачалося будаўніцтва цэха віскозных каўпачкоў магутнасцю на 80 млн. каўпачкоў у год.
1962 г.	Дзіцячы дом рэарганізаваны ў школу-інтэрнат агульнага тыпу.
1963 г.	Грудзінаўскаму парку прысвоены статус помніка прыроды і садова-паркавага мастацтва рэспубліканскага значэння.
1964 г.	Першы выпуск Грудзінаўскай школы-інтэрната.
1964 г.	На магіле прафесара афтальмалогіі Касценіча І. В. удзячныя землякі ўстанавілі абеліск.
1964 г.	У Рыжкаўскай бальніцы робяцца электракардыялагічныя даследаванні.
1964 г.	Грудзінаўскі спіртзавод увайшоў у сістэму Упраўлення па пераапрацоўцы сельскагаспадарчай прадукцыі Савета Народнай гаспадаркі Беларускай ССР.
1964 г.	У бальніцы робяцца электракардыялагічныя даследаванні. Праведзены капітальны рамонт. Зроблена прыбудова на 60 квадратных метраў. Ацяпленне заменена на вадзяное.
1965 г.	На сродкі саўгаса пабудаваны новы дзіцячы сад.
1965 г.	Школа пераехала ў новы трохпавярховы будынак, які размешчаны на ўскраіне в. Грудзінаўка.
1966 г.	Кугелю Калману Шмеркавічу было прысвоена званне “Заслужаны ўрач БССР”.
1966 г.	Дырэктар саўгаса Мельнікаў Іван Аляксандравіч узнагароджаны ордэнам Леніна.
1967 г.	Школа-інтэрнат рэарганізавана ў школу-інтэрнат для дзяцей з захворваннем сардэчна-сасудзістай сістэмы.
1968 г.	Грудзінаўскі спіртзавод быў перададзены ў падпарадкаванне Галоўнага ўпраўлення спіртавой, лікёра-гарэлачнай і крухмальнай прамысловасці. Галоўнай прадукцыяй спіртзавода з’яўляўся спірт-сырэц і вадкая харчовая вуглекіслата.
1968 г.	Сельскі клуб перайменаваны ў сельскі Дом культуры. Дырэктарам стала Пруднікава Людміла Іванаўна. Пры СДК быў створаны хор (70 чалавек).
1968 г.	У бібліятэцы складзены сістэматычны каталог. Пры бібліятэцы працуе дзве перасоўныя бібліятэкі.
1969 г.	Гаспадарка налічвала 55 трактараў, 34 аўтамашыны, 14 зернакамбайнаў і шмат іншай тэхнікі.
1969–1970 гг.	Загадвала дзіцячым садам Мельнікава Ніна Лявонцьеўна.
У 1960-х гг.	На Грудзінаўскім спіртзаводзе адбылася значная рэканструкцыя з укараненнем новага абсталявання, электрыфікацыі тэхналагічных працэсаў і пераходам кацельні на вугаль.
1970–1988 гг.	Загадвала дзіцячым садам Царава Надзея Паўлаўна.
1970 г.	Дырэктар школы-інтэрната Алексяёнак Уладзімір Кузьміч узнагароджаны нагрудным знакам “Выдатнік народнай асветы”.
1972 г.	Будынак старога дзіцячага сада быў абсталяваны пад бібліятэку.
1973 г.	Прадукцыйнасць Грудзінаўскага спіртзавода дасягнула 1200 дэкалітраў спірту-сырцу ў суткі.
1974 г.	Пры сельскім Доме культуры арганізаваны фальклорны гурт “Вянок”, які за гады свайго існавання прымаў удзел у многіх канцэртах, конкурсах, быў узнагароджаны шматлікімі ганаровымі граматамі і дыпломамі.
1975 г.	З-за няспраўнасці электраправодкі ў бібліятэцы адбыўся пажар. Знішчаны ўвесь кніжны фонд.
З 1 студзеня 1977 г.	Грудзінаўская сельская бібліятэка рэарганізавана ў філіял № 17 Быхаўскай цэнтралізаванай бібліятэчнай сістэмы.
1980 г.	Бібліятэка пераехала ў новы будынак сельскага Савета на першы паверх.
1980 г.	У саўгасе “Грудзінаўскі” уведзена ў эксплуатацыю першая чарга жывёлагадоўчага комплексу, у ім размясцілі на адкорм 1500 бычкоў.
1985 г.	Дырэктарам Грудзінаўскага завода прызначаны Іван Лявонавіч Ежалеў.
1985 г.	Комплекс па заключнаму адкорму буйной рагатай жывёлы ў саўгасе “Грудзінаўскі” налічвае 5000 галоў.
1986 г.	Дзейнасць Грудзінаўскага спіртзавода прыпынена, абсталяванне закансервавана, але не разукамплектавана. У краіне праходзіла барацьба з п’янствам і алкагалізмам.
1986 г.	Бібліятэка пацвердзіла званне “Бібліятэка выдатнай работы”.
З 1986 г.	Грудзінаўская сядзіба перастала эксплуатавацца і стала прыходзіць у запусценне.
1986 г.	Пабудавана памяшканне сельскага Дома культуры. У новым памяшканні размясцілася таксама сельская бібліятэка.
1986 г.	Адчынена дзіцячая музычная школа, якая размясцілася на другім паверсе сельскага Дома культуры і знаходзілася на балансе саўгаса.
1986–2018 гг.	Гады працы ў сельскай бібліятэцы бібліятэкара Палавіковай Галіны Іванаўны.
1987 г.	Спіртзавод стаў называцца “Завод харчовых прадуктаў”.
1987 г.	У аг. Грудзінаўка адчынена аддзяленне паштовай сувязі.
1987 г.	На заводзе харчовых прадуктаў сталі выпускаць канцэнтрат кваснага сусла для вырабу хлебнага квасу і патрэб кандытарскай прамысловасці. Завод вырабляў 45 тон канцэнтрату ў месяц.
1987 г.	За высокія паказчыкі ў сацыяльным спаборніцтве дырэктару сельскага Дома культуры Пруднікавай Л.І. прысвоена званне “Лепшы па прафесіі”.
1988–1999 гг.	Загадчыца дзіцячым садам — Раманоўская Кацярына Іванаўна.
1990 г.	Бальніца выконвае 12 відаў працэдур, сярод якіх ультрагукавая інгаляцыя, УВЧ, ультрагук, дыядынамік, парафін.
1990 г.	У сувязі з аварыяй на Чарнобыльскай АЭС (1986 г.), школа-інтэрнат расфарміравана, дзеці пераведзены ў іншыя школы-інтэрнаты.
1991 г.	Рыжкаўская бальніца пераехала на тэрыторыю былой графскай Грудзінаўскай сядзібы ў адзін з спальных карпусоў школы-інтэрната.
1992 г.	Саўгас “Грудзінаўскі” рэарганізаваны ў калгас “Грудзінаўскі”.
1994 г.	Дзіцячая музычная школа, якая была на балансе саўгаса, узята на баланс аддзела культуры Быхаўскага райвыканкама і стала філіялам Быхаўскай дзіцячай музычнай школы.
1995 г.	Старшыня праўлення калгаса “Грудзінаўскі” — Уладзімір Мікалаевіч Коханаў.
1996 г.	На заводзе харчовых прадуктаў пабудаваны цэх па вытворчасці спірту-рэктыфікату. Да цэха падведзены вадаправод і каналізацыя.
1997–2000 гг.	Кугель Калман Шмеркавіч працаваў лекарам-тэрапеўтам Грудзінаўскай сельскай урачэбнай амбулаторыі.
1994 г.	Завод харчовых прадуктаў вырабіў 161 тысячу дэкалітраў спірту, а ў 1995 г. – 214 тысяч дэкалітраў. Тэмп росту склаў 133 %.
1997 г.	Галоўны ўрач Грудзінаўскай бальніцы — Дзенісевіч Франц Браніслававіч, урач — Дзенісевіч Галіна Паўлаўна.
1999 г., чэрвень	Кугелю К.Ш. прысвоена званне “Ганаровы грамадзянін Быхаўскага раёна”.
2001 г.	Завод харчовых прадуктаў ператвораны ў Рэспубліканскае ўнітарнае прадпрыемства “Грудзінаўскі завод харчовых прадуктаў”.
2001 г.	На чарговы тур Рэспубліканскага конкурсу “Бібліятэка — асяродак нацыянальнай культуры” былі прадстаўлены краязнаўчыя матэрыялы Грудзінаўскай сельскай бібліятэкі. Бібліятэкар I катэгорыі Палавікова Г.І. узнагароджана Ганаровай граматай Беларускага фонда культуры, грашовай прэміяй, Граматай Міжнароднай Рады па помніках і мясцінах культуры.
2002 г.	У выніку рэарганізацыі Грудзінаўскай участковай бальніцы было створана аддзяленне кругласутачнага знаходжання для грамадзян пажылога ўзросту і інвалідаў.
2003 г.	Калгас “Грудзінаўскі” пераўтвораны ў сельскагаспадарчы вытворчы кааператыў (СВК) “Грудзінаўскі”.
2004 г., 14 верасня	Сельскагаспадарчы вытворчы кааператыў (СВК) “Грудзінаўскі” далучаюць да СВК “Следзюкі”, старшынёй якога на той час быў Коханаў Уладзімір Мікалаевіч.
2005 г.	Адкрыта канцэртна-філарманічная пляцоўка на базе Грудзінаўскага сельскага Дома культуры.
2006–2007 гг.	У бібліятэцы зроблены капітальны рамонт, бібліятэка атрымала камп’ютэр і падключана да інтэрнэту.
2006 г.	Грудзінаўская музычная школа стала філіялам Быхаўскай школы мастацтваў.
2007 г.	Пастановай Міністэрства прыродных рэсурсаў і аховы навакольнага асяроддзя Грудзінаўскаму парку пацверджаны батанічны статус помніка прыроды рэспубліканскага значэння.
2007 г.	Грудзінаўская сярэдняя школа перайменавана ў вучэбна-педагагічны комплекс.
2007 г.	Грудзінаўскі СДК перайменаваны ў Цэнтр культуры і вольнага часу.
2009 г.	Вучэбна-педагагічны комплекс перайменаваны ў ДУА “Грудзінаўскі вучэбна-педагагічны комплекс дзіцячы сад – сярэдняя школа”.
2008 г.	Загадчыцай аддзялення кругласутачнага знаходжання для грамадзян пажылога ўзросту і інвалідаў працуе Ярмоленка Л. М. На абслугоўванні знаходзяцца 53 чалавекі.
2008–2014 гг.	Дырэктарам Грудзінаўскага завода харчовых прадуктаў быў Каваленка Віталь Мікалаевіч. Пры ім быў зроблены капітальны рамонт завода з заменай састарэлага тэхналагічнага абсталявання.
2009 г.	Аддзяленне кругласутачнага знаходжання для грамадзян пажылога ўзросту і інвалідаў пашырылася з 55 да 67 месцаў. Праведзены капітальны рамонт будынка.
2010 г.	Вёска рэарганізавана ў аграгарадок.
2010 г.	Рашэннем Быхаўскага раённага выканаўчага камітэта на базе бібліятэкі аг. Грудзінаўка створана Грудзінаўская сельская бібліятэка-музей.
2010 г., 11 студзеня	Памёр Кугель Калман Шмеркавіч, заслужаны ўрач, даследчык. Пахаваны ў г. Мінску.
2010 г.	За ўдзел у абласным аглядзе-конкурсе на лепшую пастаноўку работы бібліятэк аграгарадкоў па выкарыстанні інфармацыйных рэсурсаў у бібліятэчным абслугоўванні насельніцтва “Інтэрактыўны свет для кожнага” бібліятэкар Палавікова Г.І. узнагароджана Дыпломам II ступені.
2010 г.	Грудзінаўская сельская бібліятэка-музей стала пераможцам штогадовага спаборніцтва сярод устаноў культуры новага тыпу Магілёўскай вобласці за лепшую арганізацыю работы і ўзнагароджана Дыпломам Магілёўскага абласнога выканаўчага камітэта.
2010 г.	Каманда працаўнікоў Грудзінаўскага завода харчовых прадуктаў заняла 3 месца па грамадзянскай абароне ў раёне, а ў спартакіядзе сярод прадпрыемстваў РУП “Клімавіцкі ЛГЗ” каманда Грудзінаўскага завода паказала першы рэзультат, узяўшы Кубак і Дыплом арганізатараў спаборніцтваў.
2011 г.	У гонар доктара медыцыны Касценіча Іерафея Васільевіча ў г. Быхаве названа новая вуліца.
2011 г.	Бібліятэка аг. Грудзінаўка ўзнагароджана заахвочвальным дыпломам у намінацыях “Краязнаўчая дзейнасць” і “Інавацыйная дзейнасць” за ўдзел у абласным аглядзе-конкурсе “У аб'ектыве — творчасць і прафесіяналізм”.
2012 г.	Вопыт работы бібліятэкі па зберажэнню і развіццю гістарычнай і культурнай спадчыны краю ў цэнтры ўвагі ўдзельнікаў семінара дырэктараў бібліятэчных сетак Магілёўскай вобласці, які праходзіў на базе бібліятэкі, на тэму: “Бібліятэкі Магілёўшчыны ў інфармацыйна-культурнай прасторы рэгіёна: стан, інавацыі, шлях развіцця”. У семінары таксама ўдзельнічалі спецыялісты абласной бібліятэкі і карэспандэнты газеты “ЛІМ”.
2013 г.	Рэспубліканскае ўнітарнае прадпрыемства “Грудзінаўскі завод харчовых прадуктаў” атрымала сертыфікат адпаведнасці Нацыянальнай сістэмы адпаведнасці і Дзяржаўнага камітэта па стандартызацыі Рэспублікі Беларусь адносна да вытворчасці і захоўвання спірта-сырца этылавага.
2014 г.	Аддзяленне кругласутачнага знаходжання для грамадзян пажылога ўзросту і інвалідаў наведалі амерыканскія гуманітарныя валанцёры міжнароднага дабрачыннага грамадскага аб’яднання “София”, якія набылі для яго дзве пральныя і адну сушыльную машыны.
2015 г.	Рэспубліканскае ўнітарнае прадпрыемства “Грудзінаўскі завод харчовых прадуктаў”, якое ўваходзіла ў склад прадпрыемства на правах філіялаў у ААТ “Клімавіцкі лікёра-гарэлачны завод”, спыніў выпуск прадукцыі.
2016 г.	Аддзяленне кругласутачнага знаходжання для грамадзян пажылога ўзросту і інвалідаў узначальвае Батуліна Алена Алегаўна.
2017 г.	Філіял Быхаўскай школы мастацтваў рэарганізаваны ў музычны клас аграгарадка Грудзінаўка ДУА “Дзіцячая школа мастацтваў г. Быхава”.
2018 г.	54 чалавекі пражываюць у аддзяленні кругласутачнага знаходжання для грамадзян пажылога ўзросту і інвалідаў, у тым ліку 1 ветэран Вялікай Айчыннай вайны, 1 малалетні вязень фашысцкіх лагераў.
2019 г.	У аграгарадку Грудзінаўка прайшоў выязны прыём грамадзян і “прамая тэлефонная лінія” з дэпутатам Палаты прадстаўнікоў Нацыянальнага сходу Рэспублікі Беларусь Таццянай Кананчук і старшынёй Быхаўскага раённага Савета дэпутатаў Вячаславам Сідарэнка.
2020 г.	Намеснік начальніка ўстановы “Магілёўскае абласное ўпраўленне МНС Рэспублікі Беларусь” Кастусь Іваноў сустрэўся з працоўным калектывам аддзялення кругласутачнага знаходжання для грамадзян пажылога ўзросту і інвалідаў у в. Грудзінаўка.